Irama, pseudònemo de Filippo Maria Fanti (Carara, 20 de desenbre 1995), el ze un cantaudor e rapper itałian.
El ga ezordìo ofisialmente inte'l panorama discogràfego partesipando al 67º Festival de Sanremo inte'l 2016 co'l sìngoło Cosa resterà inte ła categoria "Nuove Proposte", ma el ze montà a ła rebalta inte'l 2018 drioman a ła vitoria de ła dizisetèzema edision de'l talent show Amici di Maria De Filippi. Drioman, el ga partesipà nantre volte a Sanremo, inte'l edision de'l 2019, co ła canson La ragazza con il cuore di latta, a cueła de'l 2021 co La genesi del tuo colore e a cueła de'l 2022 co Ovunque sarai.
El ze stà in zonta vinsidor de Amici Speciali, spin-off de Amici di Maria De Filippi, dedicà a ła rancura fondi de ła Protesion Siviłe par l'emerzensa COVID-19.
El ga otenjùo 32 dischi de platino e 4 dischi d'oro, corespondenti a unidà de vendita sertifegàe da ła FIMI. Ła sertifegasion pì alta par i àlbun ła ze stà el triplo platino par Plume, denotante unidà ecuivałente vendùe.
Biografia Nasesto a Carrara, andove el ga vivesto fin a łe ełementari, drioman el se ga trasferìo co ła fameja a Monza. El dichiara de èsarse intaresà fin da puteło a ła mùzega de Francesco Guccini e Fabrizio De André, par po' visinarse a l'hip hop. Ła só mùzega ła ze na misiansa de arcuanti zènari, influense e anca beat da ła strada. El só nome d'arte, otegnesto anagramando el segondo nome, Maria, vol dir propio "ritmo" in łengua małeze.
Inte'l 2014 el ga cołaborà co Valerio Sgargi, insidendo tre sìngołi: Amore mio, Per te ed È andata così.
Inte'l 2015 el ga cołaborà co Benji & Fede insidendo Fino a farmi male.
Festival de Sanremo 2016 e Irama El 27 de novenbre 2015, co'l brano Cosa resterà, scrivesto a cuatro man co Giulio Nenna, el ze el rezultado fra i oto visindori de ła nona edision de'l concorso canoro Sanremo Giovani, che ghe ga consentìo l'amision de derito al 66º Festival de Sanremo inte ła categoria Nuove proposte. In tałe ocazion el se ga clasifegà sèteme inte ła graduatoria finałe, dopo aver perdesto ła sfida ełiminadoria in favor de Ermal Meta co Odio le favole.
El sìngoło sanremeze, za publegà el 28 de novenbre 2015, el ga razonzesto ła sentézema pozision de ła Top Singoli Digitare "Irama" in "Artista/Band". e el ga antisipà l'àlbun in studio de ezordio de'l cantaudor, intitołà senplisemente Irama, el cuało l'è stà produzesto da Giulio Nenna e Andrea Debernardi, e łansà so'l marcà el 12 de febraro 2016, soto l’eticheta discogràfega Warner Music Italy, otenjendo ła sincuantunèzema pozision de ła Clasifega FIMI Album.
Par ła promosion de'l disco, A ze stà estraesto come segondo sìngoło el brano Tornerai da me conponesto anca eło in cołaborasion co Giulio Nenna ed entrà in pozision radiofònega a partir da'l 27 de majo. El sìngoło el ze stà prezentà el 24 e el 26 de zugno in piasa de'l Pòpoło a Roma, in ocazion de ła cuarta edision de'l Summer Festival, che ga visto l'artista vensidor inte ła sesion Giovani. Drioman, a do ani de distansa, el brano el ze stà sertifegà disco d’oro da ła FIMI par ver vendùo oltra 25 000 copie.
Drioman el ga partesipà a tre tape de ła 17ª edision de'l Festival Show, respetivamente el 29 de łujo, al Sentro comersiałe Freccia Rossa de Bresa, el 26 de agosto in Piasa Erminio Ferretto de Mestre e el 13 de setenbre, a l'evento concluzivo de ła kermesse, che'l ga avùo a l'Arena de Verona, mentre el 7 de agosto el se ga ezibìo inte'l concerto dei Battiti Live, che se ga desvolzesto in piasa Armando Diaz, a Bari.
Drioman, el 16 de setenbre el ze stà comersiałizà come terzo e ùltemo singoło estraesto da l'àlbun, el brano Non ho fatto l'università, scrivesto da novo co Giulio Nenna.
Amici di Maria De Filippi e Plume El 16 de zugno 2017 el ga raprezentà el ritorno muzegałe de l’artista a distansa de un ano, mediante ła publegasion de'l singoło Mi drogherò, el cuało el ze stà prezentà el 25 de zugno in piazza del Popolo a Roma, in ocazion de ła cuinta edision de'l Summer Festival, in cui el ga garegià par el segondo ano consecutivo, 'sta volta inte ła categoria Big. El łanso comersiałe de'l singoło el a segnà, in zonta, ła concluzion de'l sodałisio artìstego fra Irama e ła Warner Music Italy, a cauza de ła scarsa promosion che l'eticheta ła ghe reservava al cantaudor.
So'l fenir de'l steso ano, in riserca de un rełanso discogràfego, Irama el ga desidesto de partesipar a ła dizasètezema edision de'l talent show Amici di Maria De Filippi, riusindo a rivar a ła faze serałe de ła trazmision tełeviziva che ghe consentirà de inporse definitivamente inte'l panorama muzegałe itałian. Inte'l voltar de ła partesipasion, el ga insidesto alcuni brani inediti come Che vuoi che sia, Che ne sai, Un respiro e Voglio solo te che ga razonzesto discrete pozision inte ła clasifega de ła Top Singoli (seben no i fuse estraesti come tałi), mentre el singoło Un giorno in più, publegà el 2 de marso 2018, el ga otegnùo ła vinticuatrèzema pozision a l'interno de ła Top Singoli. A ła fin de ła conpetision artìstega, el cantante el se ga clasifegà primo, vinsendo, par zonta, el premio Radio 105 e otegnendo cusì ła posibiłità de renovar da novo un contrato discogràfego co ła Warner Music Italy, eticheta che ła gaveva promovesto l'artista fin da'l só ezordio.
El brano inedito Nera, anca eło prezentà inte'l voltar de ła trasmision tełeviziva, el ze stà łansà cofà singoło el 1º de zugno, otenjendo ła segonda pozision de ła Top Singoli e venjendo sertifegà cuadruplo disco de platino da ła FIMI par łe oltra copie vendùe, parałełamente a ła publegasion de'l primo EP, produzesto da novo da Giulio Nenna e Andrea Debernardi, intitołà Plume, el cuało el ga razonzesto ła parte insima de ła Clasifega FIMI Album, venjendo sertifegà triplo platino da ła FIMI par aver suparà el traguardo de łe copie vendùe. Ła FIMI, in zonta, ła decretarà al scominsio de l'ano drio Plume e Nera respetivamente come el segondo àlbun e el sesto singoło pì vendùi in Itałia inte'l voltar de'l 2018.
El 22, 24 e 25 de zugno, Irama el se ga ezibìo da novo in piasa de'l Pòpoło a Roma, sapegando el palco de ła sesta edision de'l Summer Festival, in cui el ga proponesto, indrento a ła categoria "Big", el singoło Nera, mentre el 16 de setenbre el ze stà ospite de ła finałe de ła kermesse so'l palco de'l Parco Mind, in Area Expo a Rho (Miłan). Drioman el ga aderìo da novo a ła manfestasion muzegałe dei Battiti Live, prezensiando el 1º de łujo inte ła piasa de ła Łibartà de Ostuni, el 22 de łujo a Melfi in piasa Craxi e el 29 de łujo a Bari al Moło San Nicola.
Drioman el 12 de setenbre Irama el ga introduzesto na tapa itałiana de'l Fatti sentire World Wide Tour de Laura Pausini al Mediolanum Forum de Asago, par po' vèrzar el conserto de ła cantante anche il 12 otobre a l'Unipol Arena di Casalecchio di Reno e el 31 de'l steso meze inte'l PalaLottomatica de Roma.
El segondo àlbun e el Festival de Sanremo 2019 El 19 de otobre 2018, a soło cuatro mezi de distansa de'l presedente projeto discogràfego, A ze stà publegà el segondo àlbun in studio de'l cantaudor da'l titoło Giovani che'l vede ancora na volta ła produsion de Giulio Nenna e Andrea Debernardi. El disco, che'l ga anca eło ezordìo diretamente a ła prima pozision de ła Clasifega FIMI Album, el ze stà suportà contenporaneamente da'l łanso comersiałe de'l primo singoło Bella e rovinata, el cuało el ze rivà al vintunèzemo posto de ła Top Singoli.
El 20 de desenbre 2018, durando ła trazmision Sanremo Giovani, A ze stà anunsià da Pippo Baudo e Fabio Rovazzi ła só partesipasion al 69º Festival de Sanremo, par ła prima volta inte ła categoria "Campioni", indove drioman el se ga clasifegà sètemo co'l brano La ragazza con il cuore di latta, de'l cuało el ze autor insenbre co Giuseppe Colonnelli e i stòreghi cołaboradori Andrea Debernardi e Giulio Nenna. Durando ła cuarta serata, dedicada ai doti, l'artista el ga cantà ła trasa sanremeze in cubia co Noemi. El singoło, comersiałizà a partir da'l 6 de febraro 2019, el ze rivà al terso posto de ła Top Singoli e el ze stà insarìo in Giovani per sempre, riedision de'l disco presedente publegada do zorni pì tardi che anovara anca ła partesipasion de nantri artisti cofà Vegas Jones co i The Kolors e Mr. Rain. Anca st'altro àlbun el ga razonzesto ła sima de ła Clasifega FIMI Album, parmetendo a Irama de concuistar el piasamento pì alto de ła graduatoria de vendite co'l terso prodoto discogràfego consecutivo. El 3 de zunjo 2019 A vien fora el sìngoło Arrogante, che a sincue zorni da l'usida el rezistra za do miłion e mezo de vizuałizasion so YouTube. El 27 de marso 2020 A vien fora el novo sìngoło Milano, co ła partesipasion de Francesco Sarcina, frontman de'l grupo Le Vibrazioni. Irama el ga spiegà el senjifegar de'l brano: «Miłan ła ze ła sità dove che vivo, un posto che me ga acołiesto e che me ga rendesto mejo, sia a łiveło artìstego che uman. Védarla cusì (rifarìo a l'emerzensa Coronavirus e cuindi a łe strade vode, ndr) el ze un vero punjo al stòmego»". El recavado de'l brano el ze destinà a donasion de benefisensa. Inte'l meze de majo 2020, el ciapa parte ad Amici speciali vinsendo el programa, mentre a łujo el anuncia l'usida par el 28 de agosto de l'EP da'l titoło Crepe.
Festival de Sanremo 2021 - Ła zvolta urban Durante ła serada finałe de AmaSanremo del 16 desenbre 2020, A vien anunciada ła partesipasion del cantante al Festival de Sanremo 2021, par ła tersa volta e a do ani da ła presedente partesipasion, co'l brano La genesi del tuo colore, dove che'l ze rivà cuinto. Durante ła matinada de'l 2 de marso 2021, data de debuto de'l Festival, uno dei cołaboradori de l'artista el rezulta pozitivo al COVID-19; Irama el ga cuindi da sotoponerse al tanpon mołecołar par verifegar a só volta ła posibiłe pozitività al virus, metendo a riscio ła só partesipasion al Festival e fazendo slisegar ła só ezibision a ła segonda serada de ła gara canora, el 3 de marso, soło inte'l cazo in cui el tanpo el rezulta negativo. El cantante no'l rezulta pozitivo al SARS-CoV-2, tutavia ad aver contrazesto el virus A ze do só cołaboradori; Irama, teorègamente costreto al ritiro, pol comuncue partesipar a ła gara canora grasie a l'intarvento de Amadeus, condutore e diretor artistico de Sanremo 2021, che modifega el regołamento desidendo de mandar in onda el filmà in cui Irama canta el brano durante łe prove ansiché farlo ezibir in direta. El se clasifega al cuito posto so 26 artisti in gara. Drioman a cuesto, Irama deventa el segondo artista, dopo Claudio Villa inte l'edision del 1955, ad aver partesipà al Festival de Sanremo sensa ezibirse durante ła gara.
Il giorno in cui ho smesso di pensare - Festival de Sanremo 2022 El 4 de desenbre 2021 vien anuncià al TG1 el só ritorno al Festival de Sanremo par l'edision del 2022,https://www.ansa.it/sito/notizie/cultura/musica/2021/12/04/sanremo-elisa-morandi-ranieri-tra-i-big_5ada311e-dfa2-4c06-a734-ad627ba6f40e.html seguìo el 15 de desenbre sucesivo da l'anuncio del brano Ovunque sarai, co'l cuało el se clasifegarà al cuarto posto. El ze un brano dedegà a ła nona del cantante. El 25 de febraro A vien publegà l'àlbun Il giorno in cui ho smesso di pensare.
Discografia 2016 – Irama 2018 – Giovani 2022 – Il giorno in cui ho smesso di pensare Reconosimenti 2016 Vinsidor de ła cuarta edision del Summer Festival inte ła sesion Giovani Cuinto clasifegà inte ła sesion Nuove Proposte al Festival de Sanremo
2018 Vinsidor de ła dizisetézema edision del talent show Amici di Maria De Filippi Vinsidor del premio Radio 105 ad Amici di Maria De Filippi 2019 Sètemo clasifegà inte ła sesion Big al Festival de Sanremo
2020 Vinsidor de Amici speciali 2021 Cuinto clasifegà inte ła sesion Big al Festival di Sanremo
2022 Cuarto clasifegà inte ła sesion Big al Festival de Sanremo
Tełevizion Sanremo Giovani 2015 - Concorente nuove proposte (Rai 1, 2015) Festival di Sanremo - Nuove proposte (Rai 1, 2016) concorente Summer Festival - Sezione Giovani (Canale 5, 2016) vinsidor