La Conpagnia de Jezù (in latin Societas Iesu) ła ze un'istitusion rełijoza mascułina de derito pontifiso: i menbri de sto órdene de chièreghi regołari, dizesti jezuiti o anca jezuii, i pospone inte el so nome ła sigla S.I.

L'órdene el ze sta fondà da Ignasio de Loyola che, co racuanti conpagni, a Parize inte el 1534 el ghea fazesto voto de predegar in Tera Santa (projeto sbandonà inte el 1537) e de ponerse soto dei órdeni del papa: el programa de Ignàsio el ze sta aprovà da papa Poło III co ła boła Regimini militantis ecclesiae inte el 27 de setenbre del 1540.

Espełesto da vari paezi eoropei inte ła seconda metà del XVIII secoło, l'órdene el ze sta soprimesto e desolvesto da papa Clemente XIV inte el 1773 (ła Conpagnia ła ghea soravivesto parò inte i teritori catòłeghi de Rùsia, parché ła zarina Catarina II no ła ghea concedesto lexequatur al decreto papałe de sopresion); vegnendo de sevente recostituio da papa Pio VII inte el 1814.

I zesuii i oserva el voto de totałe ubidiensa al papa e i ze particułarmente inpegnai inte łe mision e inte l'educasion.

El 13 de marso del 2013 el ze sta ełezesto papa Francesco (Jorge Mario Bergoglio), el primo papa che el provegne da ła Conpagnia de Jezù.

Notasion

Altri projeti

Linganbi foresti