Par straji de setenbre o masacri de setenbre se intende l'ezecusion somària de pì de miłe detegnesti inte łe gałere de Parize, suponesti partezani del re, che łe se ga consumà intrà el 2 e el 6 de setenbre del 1792.
Stòria Łe straji, de fato, łe zera stae ła produsion de ła viołenta reasion de ła popołasion de ła capitałe franseze a łe notìsie che łe rivava dal fronte sul dezastrozo andamento de ła guera contro de ła Prùsia (tolta de Longwy, asèdio de Verdun) e sul tentativo de insuresion de ła Vandea.
El difonderse del pànego e ła psicozi del conploto controrevołusionàrio, i ghea spenzesto ła foła a asaltar łe prezon de Parize (l'Abbaye-aux-Bois, l'Hôtel des Carmes, la Prison de la Force, l'ex seminàrio de Saint-Firmin, la Conciergerie, el Chàtelet, la Salpetrière): dopo de un somàrio proceso sełebrà da un tribunałe del pòpoło presiedesto da Stanislas-Marie Maillard I zera stai copai cuazi ła metà dei detegnesti, mentre che łe autorità łe vardava l'avegnimento in magnera pasiva.
Sirca i tre cuarti dei pì de miłe cascai i zera creminałi comuni: numarévułi i zera anca i preti refratari (che no i gaveva acetà ła costitusion siviłe del clero). Intrà łe vìteme ecełenti Maria Tereza Luiza de Savoja-Carignan, prinsipesa de Lamballe, i véscovi Jean-Marie du Lau d'Alleman, Pierre-Louis e François-Joseph de La Rochefoucauld e l'abate Ambroise-Augustin Chevreux.
I zirondini i ghea credesto colpévołi de gaver istigà ła foła. I masacri de setenbre i gnen considerai ła prima manifestasion spontànea del Terore zacobin.
Notasion
Altri projeti
Linganbi foresti
Categoria:Revołusion franseza