La bonba atòmega (ciamada anca "bonba A" drio na termenołozia dezoparada, o talvolta denomenada col nome inpropio "bonba nucleare") el ze el nome col cuało ła vien normalmente denomenada ła bonba a fision nucleare. Se ze drio parlar de un ordegno esplozivo partegnente al grupo de łe armi nucleari, che ła ga ła enerzia che ła ze intieramente produzesta da na reasion a caena de fision nucleare. El tèrmano el vien doparà normalmente anca par denomenar łe arme termonucleari, in cuanto ste cuà łe forma cuazi intieramente i arsenałi nucleari de oncó.
Funsionamento El funsionamento de sti ordigni i se baza su ła reasion de fision nucleare, un procedimento de divizion del nùcleo atòmego, che el sucede inte un ełemento pezante dizesto fìsiłe, in du o pì nùclei de masa inferiora, de sevente da ła cołizion co un neutron lìbaro. La rotura del nùcleo ła produze a so volta, oltre che ełementi pì lejeri, anca racuanti pòsteri neutroni lìbari, oltre che na cuantità tanto signifegadiva de enerzia. Se el materiałe fisiłe el ga un grado de consentrasion sufisente e el ze in na masa suficentemente granda, dizesta "masa crìtega", i neutroni lìbari produzesti a so volta i ze boni de colpir novi nùclei de ełemento fisiłe, produzindo na reasion a caena incontrołada che ła se propaga par tuta ła masa de materiałe libarando na granda cuantità de enerzia inte un tenpo stra-curto.
Dizarmo nucleare
La bonba atòmega ła ze un'arma de desfamento de masa, de ła cuałe ła comunità internasionałe ła ghene lìmita e sansiona ła produsion par el mezo del Tratà de no prołiferasion nucleare.
El 21 febraro 2023 la Rusia la ga sospezo la so partecipasion al tratato. Vladimir Putin el ga infati diciarà intel so discorso a la nasion che la Rusia non se ritira dal tratato ma sospende la so partecipasion.
Varda anca
Relojo de l'apocalise
Notasion
Altri projeti
Linganbi foresti
Categoria:Arme nucleari Categoria:Bonbe