La Forsa de emerzensa de łe Nasion Unie (UNEF) in ingleze United Nations Emergency Forces (UNEF), el ze un continzente creà da l'Organizasion de łe Nasion Unie (ONU) co ła resołusion 1001 (ES-I) inte el 7 de novenbre del 1956, inte el ndar del conflito intrà ła liansa de Fransa, Regno Unio e Israełe contro de l'Ezito suportà da Stati Unii e Union Soviètega, teatro de guera conosesto cofà Crize de Suez o Guera del Sìnai.
Un secondo continzente de łe Nasion Unie, conosesto cofà UNEF II, el ze sta schierà inte ła rejon intrà l'otobre 1973 e el lujo 1979, par garantir el respeto dei acordi pòsteri a ła Guera del KippurUN.org.
Comando UNEF UNEF I El comando zenerałe del continzente, stabiłio inte ła sità de Gaza, el ghe spetava ai seventi miłitari:
Tegnente Zenerałe E.L.M. Burns (Cànada). Da novenbre 1956 a dicenbre 1959 Tegnente Zenerałe P. S. Gyani (Ìndia). Da dicenbre 1959 a zenaro 1964 Zenerałe Carlos F. Paiva Chaves (Brasiłe). Da zenaro 1964 a agosto 1964 Cołonło Lazar Mušicki (Jugoslàvia). Da agosto 1964 a zenaro 1965 Zenerałe Syseno Sarmento (Brasiłe). Da zenaro 1965 a zenaro 1966 Zenerałe Indar J. Rykhye (Ìndia). Da zenaro 1966 a zugno 1967
UNEF II El secondo continzente UNEF ła zera guidà da łe seventi pozision:
Tegnente Zenerałe Ensio P. H. Siilasvuo (Finlàndia). otobre dal 1973 a agosto dal 1975 Tegnente Zenerałe Bengt Liljestrand (Svèsia). Da agosto 1975 a novenbre 1976 Zenerałe Rais Abin (Indonèzia). Da dicenbre 1976 a setenbre 1979
Paezi partecipanti UNEF II I paezi che i ga contribuio co personałe a sto continzente i ze staiThe Blue Helmet, A Review of United Nations Peace-Keeping, Publicacions de les Nacions Unides, segona edició, 1990, apèndix III Maps. :
Austràlia. Continzente aèreo, co ełicòtari e personałe Austria. Infantaria Cànada. lozìstega, co mezi aèrei e unità de servìsio Finlàndia. trupe de infantaria Ghana. trupe de infantaria Indonèzia. trupe de infantaria Irlanda. trupe de infantaria Nepal. trupe de infantaria Panamá. trupe de infantaria Perù. trupe de infantaria Połònia. lozìstega, co inzegnèria mèdega e unità de trasporto Senegal. trupe de infantaria Svèsia. trupe de infantaria
Notasion
Altri projeti
Linganbi foresti
Categoria:ONU Categoria:Guera freda