El Lhotse ( sima sud) ła ze ła cuarta montagna pì alta de ła Tera co i so 8.516 , che i ła rende prezente inte ła lista dei otomiłe. El ze conponesto da tre sime e el ze liga diretamente a l'Everest par via del Cołe Sud (7.906 m).
Descrision Topònemo El Lhotse el ze indicà co ła sigla E1 dal servìsio cartogràfego de l'India, in cuanto ła montagna no ła pare vere un nome ufisałe in tibetan e gnanca in nepalezo. Inte l'agosto del 1921, Howard Bury no catando un nome locałe che el definisa ła montagna el ghea proponesto Lhotse, che in tibetan vol dir "sima sud", visto che ła so cima ła ze a sud de l'Everest e el ze unio a eło gràsie del Cołe Sud.
Conformasion Oltre che a ła sima principale łe ze prezenti altre do cime secondàrie: el Lhotse Mig (Est), 8.414 m e el Lhotse Shar, 8.383 m.
Asension Prima asension La prima asension ła ze sta conpiesta inte el 1956 da na spedision svìsara guidada da Albert Eggler e formada da Wolfgang Diel, Hans Grimm, Hansrudolf Von Gunten, Eduard Leuthold, Fritz Luchsinher, Jürg Marmet, Fritz Müller, Ernest Reiss, Adolf Reist e Ernst Schmied, oltre che a 22 sherpa. L'asension ła ze avegnesta doparando sie canpi, ndando su prima sol jasaro Khunbu, de consevensa scalando fin cuazi al Cołe Sud, par dopo ndar su un couloir so ła parete nord-òvest che che ła conduze fino a ła sima del Lhotse. El 18 de majo i zera rivai a ła sima Fritz Luchsinger e Ernst Reis. La istesa spedision ła ghea portà anca cuatro alpinisti in sima a l'Everest el 23 e 24 de majo, esendo bona parte del percorimento spartio finmente cuazi al Cołe Sud..
Altre asension 1955 - Primo tentativo de scalada del Lhotse da parte de na spedision internasionale. 1965 - Primo tentativo de concuista da parte de na spedision japoneza al Lhotse Shar che el renunsarà a 8.100 m de altura 1979 - I austrìaghi Zep Maierl e Rolf Walter i fa ła prima asension al Lhotse Shar. 1986 - Reinhold Mesner el riva a ła sima divegnendo el primo omo inte ła stòria a ver scalà tuti i Otomila. 1989 - Inte el tentar so ła parete sud more l'alpinista polaco Jerzy Kukuczka, par via de na rotura de colpo de na corda. 2001 - Prima asension al Lhotse Mig da parte de na spedision rusa.
Gałaria
Note
Altri projeti
Linganbi foresti
Alpine Journal publegasion de l'Alpine Club
Categoria:Montagne de l'Himalaya Categoria:Montagne de 8000 m Categoria:Pàjine co erori inte łe mape