Clive Owen (Coventry, 3 de otobre, 1964) el ze un ator britànego.
Inte'l 2005 el ga vinsesto un Premio Golden Globe e un BAFTA, oltre a èsar stà nomenà a l’Oscar come mejo ator non protagonista, par el film Closer. In pì el ga otenjesto na segonda nomination ai Golden Globe e una ai Emmy Awards par Hemingway & Gellhorn. Inte'l 2015 el ga risevùo ła so tersa nomination come mejo ator in una serie TV ai Golden Globe par el so ròło da protagonista inte ła serie The Knick.
Biografia Clive Owen ze el cuarto de sincue fradełi. So pare, el cantante country Jess Owen, abandona ła fameja inte'l 1967, cuando che Clive ga 'pena tre ani. Cresùo co so mare e'l parénjo, el se avisina a ła reçitasion inte'l 1984. El frecuenta co profito ła Royal Academy of Dramatic Art co Ralph Fiennes e inte'l 1987 el se diploma.
El scominsia ła so atività inte i teatri, interpretando Shakespeare (tra cui Romeo e Giulietta), e el aparise inte'l 1990 in alcune fortunae serie tełevizive britàneghe.
Carièra thumb|right|Clive Owen al Festival Internasionałe del Sinema de San Sebastián 2005 Owen taca inte'l 1988 co na aparision in Vroom, cuindi el conparise inte'l film Fusi di testa 2. El film che ło fa conoser al gran pùblego ze Close My Eyes, che otien un bon suceso de critica. El alterna ła so atività fra teatro e studi de ripreza, e inte'l 1998 ła so interpretasion in Il colpo - Analisi di una rapina de Mike Hodges coinvolze l'intarese dei produtori de Hollywood. Ła so capasità interpretativa colpise Robert Altman, che ło ciama par Gosford Park, andove el interpreta el personajo de Robert Parks. Inte'l 2001 el ze protagonista dei oto curtometraji BMW. Inte'l 2004 el interpreta el ròło de Artù in King Arthur, al fianco de Keira Knightley.
Inte'l 2005 el reçita in Closer de Mike Nichols, inte ła parte de Larry, mentre inte ła varsion teatrałe el intarpretava Dan. Sto cua sarà el so grando suceso Owen otien infati un Golden Globe, un BAFTA e na candidatura a l'Oscar al mejo ator non protagonista. Ghe vien ofrìo el ròło de James Bond par el prosimo film de l'azente 007 (che drioman el andarà a Daniel Craig). Owen rifiuta profesando che Bond el ze un personazo "oramai vecio". Drìoman ła ze ła volta de Sin city noir scrivesto a cuatro man da Frank Miller e Robert Rodriguez e co ła partesipasion de Quentin Tarantino. Un altro dei so grandi sucesi ze Inside Man, inte'l ròło de Dalton Russell, ładro istruito insenbre a Denzel Washington. Drìoman ła ze ła volta de Derailed - Attrazione letale co Jennifer Aniston pasando po' a I figli degli uomini.
Inte'l 2007 el reçita co'l ròło del corsaro Walter Raleigh insenbre a Cate Blanchett inte'l stòrego Elizabeth: The Golden Age, sequel de Elizabeth. Drìman el interpreta el misteriozo Mr Smith in Shoot 'Em Up - Spara o muori! insenbre a Monica Bellucci e Paul Giamatti. Inte'l 2009 el interpreta un pare restà vedoo inte'l film Ragazzi miei, de Scott Hicks traesto dal łibro The boys are back in the town. In pì el interpreta The International co Naomi Watts e Duplicity co Julia Roberts. Inte'l 2010 el reçita in Trust, inte'l 2011 in Killer Elite e nell'horror Intruders. Tra i so ùltemi łaori, Hemingway & GellhornNicole Kidman e Clive Owen sul set del film per la televisione Hemingway and Gelhorn 7 aprile 2011 de Philip Kaufman co Nicole Kidman inte'l 2012 e Blood Ties inte'l 2013. Inte'l steso ano el vien premià a Berlin come mejo ator intarnasionałe vinsendo ła Golden Camera.
El ze stà testimonial de ła caza cozmetega franseza Lancôme e po' del parfumo Bulgari Man de Bulgari. Inazonta inte'l 2012 el ze stà testimonial de ła vodka łondineza Three olives.
Inte'l 2015 el ze protagonista darénte a Morgan Freeman del film d'asion Last Knights, direto da Kazuaki Kiriya. Inte'l 2016 el torna cofà protagonista dei curtometraji produzesti da ła BMW, dal titoło The Escape.
Vita privà Durante ła carièra de teatro Owen incontra, so'l set de Romeo e Giulietta, l'atora Sarah-Jane Fenton, che'l ga spozà el 6 de marso 1995 e da ła cuała el ga avùo do fie Hannah (1997) e Eve (1999).
El ze stà ła voze narante de ła serie de documentari Being: Liverpool, indove vien contada ła storia de ła scuadra ingleze.
Reconosimento 2002 Screen Actors Guild Awards - Mejo cast par Gosford Park Critics' Choice Movie Awards - Mejo cast par Gosford Park Satellite Award - Mejo cast par Gosford Park Screen Actors Guild Awards - Mejo cast par Gosford Park
2004 Las Vegas Film Critics Society Awards - Mejo ator non protagonista par Closer
2005 Premi Oscar - Nomination mejo atro non protagonista par Closer. Golden Globe - Premio mejo ator non protagonista par Closer Premi BAFTA - BAFTA al mejo ator non protagonista par Closer National Board of Review Awards - Mejor cast condividesto co Julia Roberts, Natalie Portman e Jude Law par Closer Satellite Awards - Nomination Mejo ator non protagonista par Closer Critics' Choice Movie Awards - Nomination Mejo ator non protagonista par Closer Critics' Choice Movie Awards - Nomination Miglior cast par Closer
Notasion
Altri projeti
Linganbi foresti
Categoria:Atori britàneghi Categoria:Nasesti inte el 1964