Bruno Gorlato (Pàdoa, 12 de febraro 1940 - Pàdoa, 15 de apriłe 2021) el ze stà on pitore e scultore Vèneto. Diplomà inte el 1958 al Liceo Artìstego de Venèsia, el se ga iscrivesto suito dopo a l'Università de Architetura.
Dopo i studi universitari, Gorlato el gà scumisià a insegnare educasion artìstega inte ła scoła mèdia.
Durante ła so cariera, el gà contà, traverso ła so arte (piture ma anca incizion), dei posti che i ło gaveva segnà e cresesto, cofà i paezaji de Trieste, łe mura de Pàdoa (de ła sità eugànea se ghe połe de frecuente reconósar inte i so cuadri anca serti pałasi e monumenti) e de łe sità murae in zenerałe del Vèneto, i àngołi sconti de Venèsia e le cołone de Piasa San Marco.
Gorlato el contava del momento de ła creasion cofà de on adentrarse inte el cuadro, co oncora el gavea da nàser, caminando lento e vardàndose intorno, sercando de vizitarlo e de védar cosa che el contegneva. Solché inte ła fin, co che l'òpara ła jera finìa, ełora se prezentava ła pusibiłità de darghe un nome e de capirla, in calche magnera.
Socio de l'Associazione Incisori Contemporanei e menbro dal 2019 de ła Royal Society of Painter-Printmakers de Londra, el ze mancà a Pàdoa el 15 de apriłe 2021.
miniatura|alt=Festa per un figliol prodigo|Festa par on fiol prodego Notasion
Altri projeti
Linganbi foresti
Bruno Gorlato in incisoricontemporanei.it
Gorlato, Bruno Categoria:Nasesti inte el 1940