Christophe Guy Denis Lambert, (AFI: [kʁis.tɔf gi də.ni lɑ̃bɛʁ]), conosùo inte i paezi non non francofoni cofà Christopher Lambert (AFI: [ˈkrɪstəfər ˈlæmbərt]) (Great Neck, 29 de marso, 1957) el ze un ator fransezo co sitadinansa statunitense.
Biografia Lambert nase a Great Neck, so l'izoła de Long Island (inte'l stato de New York), inte'l 1957 da zenitori fransezi, Georges Lambert-Lamond (1910-2003)Georges Lazare Maurice Lambert-Lamond, Christopher Lambert's father, un diplomatico d'origine ebraicaHighlander icon Christopher Lambert looks back on Scottish cult classic 32 years on, Annie Brown, Daily Record, 17 December, 2018, al secolo impiegato presso l'ONUhttps://afics.unog.ch/Bulletins/200x/2003-12-xx%20Bulletin,%20Vol.%2062,%20No.%205,%20December%202003.pdfhttps://www.liberation.fr/portrait/1995/10/21/christophe-lambert-38-ans-ne-tourne-pas-que-des-navets-comme-mortal-kombat-mercredi-en-salles-viveur_145521, e Henriette de Caritat de Peruzzis (n. 1928)Yolande Agnès Henriette Lambert, Christopher Lambert's mother. A cauza propio de łe mansion łaoradive del pare, el se trasferise a'l sèvito de ła fameja a Ginevra, in Svisera, inte'l 1959, sojornandoghe stabilmente fin al 1973, cuando che senpre via de'l łaoro de'l pare el se trasferirà a Parize. Inte ła cavedałe franseze el studia resitasion, indirisandose drioman verso el mondo de'l sinema.
Dopo che'l se ga fato i osi coverzendo dei rołi segondari a diverse produsion fransezi, el otien el só primo ròło de primo pian co l'intarpretasion de Tarzan inte'l film Greystoke - La leggenda di Tarzan, il signore delle scimmie de'l 1984, na produsion britànega par ła rezìa de Hugh Hudson. Inte'l 1986 el ga po' ła so consacrasion a'l grando pùblego intarnasionałe grasie a'l roło da protagonista inte'l film Highlander - L'ultimo immortale, direto da Russell Mulcahy, in cui el interpreta Connor MacLeod, gueriero scoseze predestinà a l'imortałità.
Vita privà Da'l 1988 a'l 1994 el ze stà spozà co l'atora Diane Lane. Da ła só union A ze nasesta na fia, Eleanor Jasmine (1993). Inte'l febraro 1999 el spoza Jaimyse Haft, da ła cuała el divorsia inte'l 2000. Inte'l 2007 el taca na rełasion co l'atora Sophie Marceau, conosùa so'l set del film Trivial. I do i se łasa inte'l 2014. EL ga avùo na curta rełasion co ła showgirl itałiana Alba Parietti. Inte'l 2018 el intraprende na rełasion co l'atora Camilla Ferranti, conosùa so'l set de ła serie La dottoressa Giò.
Lambert ga na forte miopia, che ghe inepdise de indosar łenti a contato. de frecuente el ze obligà a reçitar sensa ociałi e sto fato ghe ga cauzà vari inçidenti.
Notasion
Categoria:Atori statunitensi Categoria:Nasesti inte el 1957