thumb|Ł'ultemo toco de ła Strada de łe Gałerie, coi resti deł'oservatorio miłitare e Sima Palon suło sfondo Ła Strada de łe Gałerie ła xe na mułatiera scavà 'nteła piera, longa sie kiłometri e mexo, co 52 gałerie, durante ła prima guera mondiałe. I Tałjàn ghe ga laorà, par farla in sie mesi, dal febraro ał'agosto del 1917 (ma la xe sta finia solo in novembre), co 600 operai e ła trentatreesima Conpania Minadori del 5° Genio della prima Armada , soto el comando del tenente Giuseppe Zappa prima e il capitan Corrado Picone (nomen omen) dopo. Xe sta necesario farla parkè i Austriaci i gaveva ocupà Monte Majo e de łì i sparava coł'artijeria suła Strada dei Scarubi. Ła mułatiera ła scuminsia a Bocheta Canpìłia, suła Strada dei Scarubi, a 1210 m, dove ke xe sta fata 'n'entrata monumentałe a inpiria, suła sinistra de ła caresada. El troso el taca subito co na pontara a tornanti a montar su pał versante de ła Val Leogra, finke no'l riva a ła prima gałeria, andove ke ghe xe na łapide a ricordo dei operai e dei soldà ke ga fato sta strada. thumb|left|Pasagio 'nteła 15. gałeria Dopo, el troso el continua drento e fora par na gałeria drio ł'altra, co finestroni ke varda na volta in Val Poxina e na volta in Val Leogra, senpre montando de quota. Ła gałeria pi longa de tute ła xe dicianovesima, ke ła misura trexentoventi metri, co diversi finestroni verti suła Val Leogra. thumb|left|Inboco de sora de ła 20. gałeria (gałeria a spirałe) Ła ventesima gałeria ła xe scavà a spirałe drento na guja de piera. Da ła ventunesima a ła ventinovesima gałeria xe tuto un alternarse de gałerie e de trati de troso streti come viaz, tajà su profondi buroni. Pi vanti se traversa ła Val Camosara; intrà ła 32. e ła 34. gałeria se cata ła parte finałe dei trosi ke vien su dal Vajo del Pino, dal Vajo del Moto e dal Vajo de Mexo. Fra ła 38. e ła 45. gałeria se riva al Paso de Fontana d'Oro, andove ke sboca el Troso dei Ronle, del Vajo del Ponte e el troso de ła Val Fontana d'Oro. Dopo ła 45. gałeria, ła strada core alta suła Val Canałe finke no ła riva al punto pi alto, a domiła metri pi o manco, co na beła vista sul Sojo Roxo, ła Guja del Frate e ła Pria Faveła. Pi vanti, pasando rente i resti de opere miłitari, ła se sbasa pian pianeło e ła salta fora, dopo ła 52. gałeria, proprio de fianco al Rifugio Papa. thumb|Ultime gałerie prima del Rifugio Papa
Consiłi par l'escursion Ła montà ła dura 3 ore e mexa. Xe indispensàbiłe portarse via na piła par vedarghe drento łe gałerie . Ocio in primavera coł'ultima neve, ke ła strense el viaz e xe fasiłe sbrisiarghe sora. Mejo far de manco col bruto tenpo parkè ła piova fa cascar xo sasi e marugołoti sul troso. El tenpo mejo par far ła strada xe inìsio o fin stajon parkè d'istà piena xe masa caldo. No se pol in nisuna maniera doparar ła mountain bike.
Łe Gałerie NúmeroNomeŁongaFoto1Cap. Giuseppe Zappa17 metri100px|2Gen. D'Havet65 metri100px|3Rovereto14 metri100px|4Cesare Battisti31 metri100px|5Guglielmo Oberdan |10 metri |100px| |- align=center bgcolor=#D0E7FF |6 |Trieste|17 metri |100px| |- align=center |7 |Gen. Antonino Cascino|35 metri |100px| |- align=center bgcolor=#D0E7FF |8 |Gen. Antonio Cantore|23 metri |100px| |- align=center |9 |Gen. Gaetano Zoppi|78 metri |100px| |- align=center bgcolor=#D0E7FF |10 |Nazario Sauro|12 metri |100px| |- align=center |11 |Magg. Giovanni Randaccio|28 metri |100px| |- align=center bgcolor=#D0E7FF |12 |Cap. Motti|95 metri |100px| |- align=center |13 |Cap. Fabio Filzi|27 metri |100px| |- align=center bgcolor=#D0E7FF |14 |Cap. Melchiori|61 metri |100px| |- align=center |15 |Tortona|45 metri |100px| |- align=center bgcolor=#D0E7FF |16 |Reggio Calabria|74 metri |100px| |- align=center |17 |Bergamo|52 metri |100px| |- align=center bgcolor=#D0E7FF |18 |Parma|46 metri |100px| |- align=center |19 |Re|318 metri |100px| |- align=center bgcolor=#D0E7FF |20 |Gen. Luigi Cadorna|86 metri |100px| |- align=center |21 |Gen. Carlo Porro|20 metri |100px| |- align=center bgcolor=#D0E7FF |22 |Breganze|8 metri |100px| |- align=center |23 |Gen. Luigi Capello18 metri100px|NúmeroNomeŁongaFoto24Bologna16 metri100px|25L'Aquila11 metri100px|26Napoli24 metri100px|27Cap. Corrado Picone98 metri100px|28Genova14 metri100px|29La Spezia31 metri100px|30Miss10 metri100px|31Gen. Achille Papa72 metri100px|32Palazzolo dello Stella48 metri100px|3333ª minatori57 metri100px|34Gen. Giustetti132 metri100px|35Trani10 metri100px|36Gen. Peppino Garibaldi12 metri100px|37Giovanni Battista Perasso Balilla26 metri100px|38Torino29 metri100px|39Mantova53 metri100px|40Trento10 metri100px|4126ª minatori24 metri100px|42Macerata19 metri100px|43Polesine55 metri100px|44Zappatori Liguria22 metri100px|45Plotone 25ª minatori83 metri100px|46Piceno65 metri100px|47Pallanza22 metri100px|48Cesena14 metri100px|49Soldato italiano19 metri100px|50Cavalieri di Vittorio Veneto27 metri100px|51Plotone minatori sardo66 metri100px|52Sardegna86 metri100px|
Note
Cartografia "Sentieri Pasubio e Carega-foglio Nord" 1:20.000 Sezioni vicentine del CAI
Bibliografia
Varda anca Pasubio Strada dei Scarubi Paso Xomo Rifugio Papa
Linganbi foresti
Bericht über die strada delle 52 gallerie im Explorermagazin
Categoria:Montanja Categoria:Provincia de Vicensa Categoria:Prima guera mondiałe