Eric Johson, (Austin, 17 de agosto 1954 ) el xe un cantante, chitarista, conpoxidor, połistrumentista statunitense.
Biografia El tałento de Johnson ga scominsià a sviłuparse in età bonoriva. Nasùo in una fameja incline a ła mùxica, łu e łe so tre sorèłe ga studià pianoforte, so fradèło ga formà un pròpio grupo; so pare el xera un cantante pasionà. Co'l gaveva 11 ani, Johnson ga ciapà ła chitara e el xe progredìo rapidamente traverso ła mùxica de łe so influense: Eric Clapton, Chet Atkins, Cream, Jimi Hendrix, Wes Montgomery, Jerry Reed, Bob Dylan, Django Reinhardt, e altri. Ła so prima esperiensa profesionałe xe sta come menbro del grupo psychedelic rock Mariani col gaveva 'pena 15 ani de età. Inte el 1968, Johnson ga registrà na demo col grupo, che ga visto na vendita un mucio łimitada; ani drìo ła registrasion ła xe devegnesta un presioxo ogeto da cołesion.
Dapò el diploma a ła Holy Cross High School, Johnson ga frecuentà brevemente l'University of Texas ad Austin e ga viaxà co ła so fameja in Afrega. Infin el tronà ad Austin, e inte el 1974 el ga adrìo al grupo fusion The Electromagnets. El grupo ga fato un tour rejonałe, ma no'l xe riusìo a tirar l'atension de łe maxori caxe de registrasion e el se ga desfà inte el 1977. Comuncue, el virtuosismo de Johnson ga tirà un picoło seguito de culto del grupo a l'inisio de łe registrasion, e do deseni drìo i so do album xe stai stanpai in gran nùmaro so compact disc.
Carriera
Drìoman al fenimento dei Electromagnets, Johnson ga formà un trio par el tour, The Eric Johnson Group, col baterista Bill Maddox e el basista Kyle Brock. I ga sonà par respetabiłi spetadori de ła sena muxicałe de Austin, e inte el 1978 el ga registrà el primo album in studio Seven Worlds. Sìben l'album el mostre łe notevołi capasità tecneghe de Johnson, na conbinasion de despùte contratuałi, criche finansiarie, e cativa condusion ga influensà l'usida de l'album — e ła carièra de Johnson — par racuanti ani. Sensa canbiamenti, Seven Worlds xe stà publegà vint'ani drìo inte el 1998 da l'Ark21 Records dopo che Johnson ga garantìo i derìti a ła caxa discografega.
Incapase de riusir ad otegner un novo contratto, Johnson, tutavia, ga seità a costruir ła so reputasion profesionałe łaorando come chitarista, aparindo inte łe registrasion de Cat Stevens, Carole King, Christopher Cross e altri.
Inte el 1996 e inte el 2000 el ga partesipà ai tour del G3 insenbre a Joe Satriani e Steve Vai.
El so çełebre brano Cliffs of Dover xe prexente inte el videogame Guitar Hero III.
Discografia Sołista 1978 - Seven Worlds 1986 - Tones 1990 - Ah Via Musicom 1996 - Venus Isle 2002 - Souvenir 2005 - Bloom 2005 - Live from Austin, TX 2010 - Up Close 2016 - EJ 2017 - Collage
Cołaborasion 2009 - Mike Stern - Big Neighborhood 2014 - Mike Stern - Eclectic
Voxe corełade G3
Altri projeti
Linganbi foresti
Categoria:Chitaristi statunitensi Categoria:Nasesti inte el 1935