Ła Galbusera S.p.A. ła ze na azienda ałimentar itałiana che produze biscoti, cracker e snack, ativa in Itałia e a l'estero, fondada da Mario ed Enea Galbusera a Morbegno inte’l 1938 co sede a Cosio Valtellino
Storia Ła xe stà fondada inte’l 1938 da i fradełi Mario ed Enea Galbusera che, zlargando el łaboradorio de'l pare Ermete, i verze un cafè pastiseria a Morbegno, in Valtełina.
El primo stabiłimento produtivo el zera stà costruìo inte’l 1950, ma soło co ła vertura de'l stabiłimento de Cosio Valtellino (SO) inte’l 1966 ła destribusion de i biscoti e de i altri prodoti, che ormai se estendeva par tuto el nord Itałia, ła pol èsar suportada. Inte i ani setanta vien fondà ła sede par i ufisi comersiałi e marketing de Agrate Brianza, vien anca creada da Franco Giandonati, storego manager miłaneze cołaborador de Mario Galbusera, ła rede distributiva che porta i biscoti Galbusera fora da ła Valtellina.
Inte i ani novanta l'azienda ła consentra ła produsion so’l setor sałutistego coniando el bomò "Ła sałute prima de tuto" insieme a ła nàsita de ła łinea de prodoti Speciali Salute. Da i ani 2000 l'azienda ła se propone so’l marcà co diverse łinee de prodoti ałimentari.
Inte’l 2014 l'azienda ła ga acuizìo da ła Sammontana ła propietà de ła sosietà miłaneze Tre Marie Ricorrenze srl, antigo brand de ła produsion de panetoni.
El controło de l’azienda el ze oncora de ła fameja inte łe persone de i conponenti de ła tersa zenerasion: Paolo, Lorenzo e Guido Galbusera che, co Nicoletta Zamboni, i ga el 25% a testa afidando parò la zestion a'l manager esterno Alessandro Pittaluga.. Mario Galbusera el ze moristo el 23 de avril 2018, inte’l 2002 el ga resevesto el titoło de Cavalier de'l Łaoro..
Canpanje publisitarie conosùe Inte i ani otanta l'azienda ła ze stà protagonista de na famoza canpanja publisitaria inte ła cuała el testimonial el jera un personazo ciamà Mago G, i cui blomò el zera "Sera i òci, verzi ła bòca" e "Ze na storia vera, ze Galbusera". Vestìo co un conpleto ełegante zało e na tuba a striche załe e rose, co na vistoxa perùca zała, el Mago G el distribuiva confesion de biscoti a i pasanti patinando łongo łe vie de na sità; el jera interpretà da l’ator Luca Levis fin a'l 1986, ano inte el cuało ze scadesto el contrato che łigava Levis a l'azienda, che ło ga sostituìo co un altro ator, el cuało parò no'l ga incontrà i favori de'l pùblego, cusì dopo calche ano i spot co’l Mago G i ze stà abandonài.
Notasion
Linganbi foresti
https://www.youtube.com/watch?v=PUcpLSy20YI 24 Apriłe del 2018
Categoria:Aziende alimentari