La coartegołasion ła xe un fenòmano che ła se verìfega durante ła fonasion, par ła cuała ogni son lenguìstego (o fono) ła sorbise ła influensa del contesto inte el cuało ła xe artegołada, saria a dir dei foni che i ło presede o lo sèvita. La so scoerta ła xe de Alvin Liberman. Tal fenòmano el xe studià da ła fonètega artegołatòria intersegmentałe, e el xe gavesto dal fato che ogni son no el xe artegołà stacadamente, ma el se cata inte un contesto pì grando: inte el continuum lenguistego inte el cuało i soni i xe concaenai in na pì ràpida sucesion ininteronpesta, inte ła cuała el pasajo da na configurasion artegolatoria (inte ła cuała i òrgani de ła boca i xe inte na determinada poxision) a n'altra (inte ła cuała i òrgani i ga da canbiar anca totalmente poxision) ła avien sensa sołusion de continuitàLaila Craighero, Neuroni specchio, in Farsi un'idea, Bologna, Il Mulino, 2010, ISBN 978-88-15-13698-5, p. 93..
Fenòmani gavesti a ła coartegolasion Inte ła caena parlada dei efeti de ła coartegołasion se połe trasmétar sia verso indrio ( o sia da un fono a cheło che ło presede), sia verso vanti (o sia a un fono che ło sèvita) sia anca a distansa de un mùcio de foni. Inte el primo caxo de garà na coartegołasion (a contato) regresiva, inte el segondo na coartegołasion (a contato) progresiva, inte el terso na coartegołasion a distansa (che ła połe èsar sia progresiva che regresiva).
I xe fenòmani gavesti a ła coartegolasion: l'asimiłasion; la naxałixasion; la sonorixasion e desonorixasion de consonanti; la spirantixasion; la pałatalixasion. Notasion
Altri projeti
Linganbi foresti
Categoria:Artegołasion