El Łesothoin pasà el vegnéa ciamà Basutoland, ufisialmente Regno del Lesotho (in sesotho Muso oa Lesotho, in inglexe Kingdom of Lesotho) l'è un Stato de l'Africa del Sud. El xe na enclave totalmente sarà sù da ła Repùblica del Sudàfrica, intra le provinsie del Free State"Stato Libaro" a nordovest, del KwaZulu-Natal a nordest e del Cao Oriental a sud.

Etimołozia El nome Le-sotho el vol dir "il popolo che parla sotho" in łéngua nativa.

Zeografia

El Łesotho l'è in mezo ai Munti dei Draghi ła cadéna montuóxa prinsipałe del Sudàfrica e de conseguensa el xe fato soratuto de montagne e cołine.

El ga un clima tenperà.

Storia

I basuto i xera pròfughi che faxea parte del grupo ngoni dei pòpołi bantu, e i se gavéa scónto intrà i Monti dei Draghi, onde che i vive anca deso, par scanpare dal mfekane guerra, massacro, o sia łe scoribande de conquista fate dal re zulu Shaka inte i primi ani de l'otosento, e dai caciaturi de s·ciavi che rivava da ła Baia de Delagoa.

Un saco de tenpo dopo, el Paéxe el xe deventà un protetorato de ła Cołonia del Cao donca l'era sóto ła Gran Bretagna e dopo el 1910 l'è stà protetorato del Dominion del Sudafricaindove che xera stà incluxa ła Cołonia del Cao. El Paéxe parò, anca stando łigà forte al Sudàfrica, no'l ghen'à mai fato parte ma el xe senpre stà independente sensa mai deventar un bantustan.

Zeografia politega El fa parte del Commonwealth.

Ła caital ła xe Maseru.

Demografia Etnie El grupo ètnico prinsipałe, che el dà anca el nome al paéxe, el xe el pòpoło basuto.

Rełigion I abitanti del Łesotho i xe protestanti 42%, catòłici 38%, animisti 15%, musulmani 5%.

Economia El Łesotho, che el ga un PIL de 4 996 miłiuni de dòłari USA ('nte l'ano 2005)osìa 2113 dòłari USA par òn, l'è uno dei Paixi manco sviłupài. In gran parte el ga na economìa łigà a queła del Sudafrica.

Sirca el 40% de la forsa lavoro che no emigra ła łavóra inte el setor de l'agricoltura.

El clima el xe bon par sviłupar atività primarie, ma ła tera bona par coltivar ła xe póco pi del 10% del total. L'agricoltura ła serve soło par mantegnerse e no ła riva mìa sodisfar ła domanda interna. In gran parte se coltiva el mais. Cołegaminti stradałi Ntel 1999 el Lesotho el gavéa na réte stradałe de 5 940 km, sfaltàe soło par el 18%.

El Łesotho l'è cołegà al Sudàfrica co na réte feroviaria.

Maseru ła ga n'aeroporto internasionałe costruìo inte i ani otanta.

Gałeria de someje

Notasion

Altri projeti

Łigadure esterne

Scheda del Lesotho dal sito Viaggiare Sicuri - Sito curà dal Ministero dei Esteri itałian e da l'ACI