La psichiatria ła xe ła rama speçałìstega de ła medexina che ła se òcupa del stùdio sperimentałe, de ła prevension, de ła cura e de ła riabiłitasion dei disturbi mentałiIn ła Treccani. Ła psichiatria ła se połe definir cofà na "disiplina de sìntexi", visto el mantegner e el persevir de ła sałude mentałe, che el xe el fin fondamentałe de ła psichiatria, fin che el vien otegnesto considerando difarenti ànbiti: mèdego-farmagołòxeghi, neurołòxeghi, psicołòxeghi, soçołòxeghi, xurìdeghi, pułìteghi. Etimołoxia El tèrmano el xe sta cognà dal mèdego todesco Johann Christian Reil inte el 1808, dal grego piatreia (ιατρεια,ας) che signifeghea cura (inte el so signifegar de cura mèdega). Letaralmente ła disiplina ła garia da ocuparse de ła "cura de l'ànema". El mèdego speçałixà in psichiatria el xe el psichiatra.
Ła profesion psichiàtrega Inte el ordenamento de l'Italia, el psichiatra el xe laureà in medexina e chirurxia co speçałixasion post-lauream in psichiatria, de conseguensa prima de tuto el xe on mèdego: el połe prescrìvar fàrmaghi xenèreghi o psicofàrmaghi co regołar riceta mèdega e dimandar e valutar exami clìneghi (EEG, TC, PET, MRI).
El mèdego speçałista in Psichiatria el xe anca abiłità - prèvia dimanda formałe de notasion in na inposta lista sol Ordene Provinciałe de rifarimento - a l'exerçìsio de ła PsicoterapiaNota del MURST del 17 de lujo del 1997 n. 2392, difarentemente dai Psicòłoghi che, par poder far ła psicoterapia, i ga da rivar a na speçałixasion spesìfega Ex art. 3, L. 56/1989 Ordinamento della Profession di Psicologo
Rame de ła psichiatria Psichiatria biołòxega Psichiatria infantiłe e de ła adołesensa (in Italia de pertinensa del neuropsichiatra infantiłe) Psichiatria de l'adulto Psichiatria de l'ansian Medexina conportamentałe Psichiatria consultivo-rełasionałe Psichiatria de łe dipendense Psichiatria forense Psichiatria fenomenolòxega
Notasion
Altri projeti
Linganbi foresti
Categoria:Psichiatria