El Rhode Island el xe un Stato dei Stati Unii, el pi ceo par superficie, ma uno dei pi densaménte popołai. Ła capitałe ła xe Providence. El confina a nord e a òvest col Massachusetts, a est col Connecticut a sud col Rhode Island Sound e l'osèano Atlàntico (el ga a sud un confine marin col Stato de New York) ; el conprénde ła pianura intorno a ła Narragansett Bay e numàróxe ìxołe, ła major de ste qua ła ga dat el nome al Stato. El teritorio lóngo ła costa el xe prevałenteménte pianexante, méntre el se fà cołinar inte l'entrotera; e el xe bagnà da numàróxi fiumi, el pi lóngo el xe el Blackstone.
Nome Inte el 1524, el famóxo navigador tałian, Giovanni da Verrazzano el xe stà el primo europeo a tacar piè su queło che dese el xe el teritorio del Stato del Rohde Island. Verrazzano el xe rivà su queła che uncuò ła xe Block Island e la ga chiamada "Luisa" in onor de Luisa de Savoia, ła regina mare de Fransa.
Clima El clima, nonostante el Rhode Island el sie inte na poxision oseànega, el xe continentałe: el ga inverni rijidi e istà calde. Ła tenperadura mèdia inte el Stato ła va dai 28 °C ai 7 °C sóto xero. ła tenperadura pi alta rejistrada ła xe stada de 42 °C in junio del 2006, a Providence; ła pi basa, de -25 °C a Coventry, el 6 de febraro del 1996.
Economìa L'industria ła xe baxada esensialménte sul setor manufaturier; l'agricoltura ła ga modesta inportansa, soratuto par ła modesta estension teritoriałe
Rełijon El Rhode Island el xe, col Utah, l'ùnego Stato onde che, intra łe diverse e svariae fédi rełijóxe, ghe ne xe una particołarménte difondesta a tal punto de ver come adepti la major parte de ła popołasione. Questa, intel Rhode Island ła xe el Catołisèximo.
Cristiani 87.5% Catòłisi 63.6% Protestanti: Episcopałi 5.1% Batisti 6.3% Altri protestanti 3.2% Altri Cristiani 2.3% Ebrei 1.6% Musulmani 0.4% No rełijóxi - Atei 6% Altre rełijón 4.5%
Gałeria
Note
Categoria:Stati dei Stati Unii de l'Amèrica