Ła Masedonia de'l Nord o Macedonia de'l Nord, ufisialmente Repùblega de Masedonia de'l Nord (in masèdone Република Северна Македонија, Republika Severna Makedonija)Łe Nasion Unìe e alcuni altri paezi de'l mondo i ła ciama "Ex Repùblega Jugoslava de Masedonia" (in ingleze Former Yugoslav Republic of Macedonia "FYROM")., el ze un Stato independente de ła penizola balcanica, inte l'Europa sud-orientałe. Ła confina a òvest co l'Albania, a nord co ła Serbia e'l Kòsovo, a est co ła Bulgarìa, e a sud co ła Gresa.
Istoria Ła tera goernada da ła Repùblega de Masedonia na olta la jera el tochetin sud de ła Jugoslavia. I confini de ancó i ze stài stabiłìi poco dopo ła Segonda Guera Mondiałe, cuando ła Jugoslavia sosiałista ła ga stabiłìo inte ła zona ła Repùblega Sosialista de Masedonia, riconosendo i masèdoni co na nasion par conto łoro a l'interno de ła Jugoslavia.
Independensa Dopo gaver canbià nome in Repùblega de Masedonia l'8 de setenbre 1991, ła se ga separà pasifegamente da ła Jugoslavia sensa altre modifeghe teritoriałi.
Cultura Da l'independensa el paeze el ga cauzà na łonga barufa połitega co ła Gresa pa'l fato de doparar el termine "Masedonia", che za da prima l'indicava na rejon de ła Gresa che se ciama anca eła Masedonia, e che i Greci i considera parte de ła so storia. Par cui serte nasion e organizasion internasionałi łe riconose el paeze come Former Yugoslav Republic of Macedonia ma tanti paesi, tra cui Cina, Rusia, e Stati Unìi i ła riconose senplisemente come Masedonia.
Zeografìa połìtega Ła so capitałe ła ze Skopje.
Gałarìa de łe someje
Notasion
Altri projeti
Linganbi foresti