L'inglexe (nome nativo English, IPA: )) el xe na lengua indoeuropea che fa parte del ramo oçidentałe de łe lengue germaniche, insieme al'ołandexe, al'alto e baso todesco, al fiamingo e al frixon. El conserva oncora na evidente parenteła col sàsone continentałe (diałeto del baso todesco).
Storia e difuxion Inte el corso del XX secoło l'inglexe el xe deventà ła lengua franca par ecełensa, butando zó ła pasada supremasia del fransexe che a so olta el gavéa ciapà el posto de l'italian e del latin par ła comunicasion diplomatega e sientifega. I gà fato i conti che quei che łi parla inglexe come łengua mare (English as a native language, ENL) i sie pì o manco 350 miłioni, quei che łi lo parla as a second language (ESL), o sia insieme co ła lengua nasionałe o nativa, çirca 300 miłioni, i parlanti de English as a foreign language (EFL), o sia come na łengua inparada a scoła ma che no ła se dopara ntel propio paexe, çirca 100 milioni. Donca tra tuti quei che łi parla inglexe i marełengua łi xe de manco dei non marełengua.
Bibliografia
Bryan Garner, Dictionary of Modern Legal Usage, Oxford, Oxford University Press. Maria Fraddosio, ELS: English for Law Students, Napoli, Edizioni Giuridiche Simone, 2004.
Categoria:Sensa fonti - lenguistega Categoria:Abosi - lenguistega