Kingston er administrasjonssenteret for Norfolkøya i Stillehavet, som er eit territorium underlagt Australia. Den største busetnaden er på øya i dag er Burnt Pine i innlandet.
Kingston blei grunnlagd i 1788, som ledd i den første britiske koloniseringa av Norfolkøya.«Kingston», Norfolk Island. The Website. Kolonien blei lagt til det einaste slettelandet på øya ved kysten. Kingston var den viktigaste busetnaden også då den andre og tredje bølgja av nybyggjarar kom til øya. Det er tidlegare spor etter polynesiarar på staden frå mellom 1200- og 1600-talet.
Frå 1788 til 1855 var Kingston ein straffekoloni, og var rekna som ein særskild hard og brutal stad å vera fange. I 1856 blei innbyggjarane på Pitcairn flytta hit.«Kingston and Arthurs Vale Historic Area (KAVHA), Norfolk Island», Department of Sustainability, Environment, Water, Population and Communities.
Kingston-området er eit viktig fritidsområde for innbyggjarane på Norfolkøya. Staden har fleire historiske bygningar og minnesmerke etter tidlegare koloniseringsforsøk. Kingston og Arthur's Vale på Norfolkøya blei del av verdsarvstaden australske straffangestader i 2010.«Australian Convict Sites», UNESCO World Heritage Centre. Norfolk Island Museum held til i fleire av dei historiske bygningane i Kingston.Norfolk Island Museum. Den lovgjevande forsamlinga for Norfolkøya held møta sine i ein gammal militærbygning.«Assembly» , Radio Norfolk.
Kjelder
Denne artikkelen bygger på «Kingston (Norfolkøya)» frå , den 26. desember 2013.
Bakgrunnsstoff
Kategori:Norfolkøya Kategori:Hovudstader i Oseania Kategori:Hovudstader i Australia Kategori:Verdsarv i Australia