Yingluck Shinawatra () er ein thailandsk politikar som var statsminister i Thailand frå 2011 til 2014. Ho var den fyrste kvinnelege statsministeren Thailand har hatt.
Bakgrunn Yingluck Shinawatra blei fødd som den yngste av ni barn i ein velståande hakkafamilie i Chiang Mai-provinsen.Yingluck Shinawatra (prime minister of Thailand). Encyclopædia Britannica. Far hennar, Lert Shinawatra, var forretningsmann og parlamentsmedlem for Chiang Mai.The Economist, Too hot for the generals, 15. juni 2011 Mor hennar, Yindi Ramingwong, stamma frå kong Thammalangka av Chiang Mai.Bangkok Post, Pheu Thai picks Yingluck for PM, 16. juni 2011Seth Mydans: Candidate in Thailand Follows Path of Kin. New York Times, 12. juni 2011
Broren til Yingluck, Thaksin Shinawatra, blei statsminister i 2001, medan ho sjølv fekk bachelorgrad frå Universitetet Chiang Mai og mastergrad frå Kentucky State University, båe i ålmenn leiing. Seinare blei ho involvert i familieverksemder som Shinawatra Directories Co. og Rainbow Media. Men i 2006 blei Thailand utsett for eit kupp av dei militære styrkane i landet og riksstyret måtte gå av. Thaksin fekk til slutt koma attende til Thailand, men gjekk ikkje beinveges attende til politikken.
Politikk I 2011 vann Yingluck valet for Pheu Thai-partiet, og 5. august 2011 fekk ho 60 % av røystene frå underhuset og blei statsminister.
Etter massedemonstrasjonar mot regjeringa hennar i 2013 bad ho om at parlamentet skulle bli oppløyst 9. desember 2013. Dette ville føra til nyval medan Yingluck blei sitjande som mellombels statsminister. Ho blei avsett 7. mai 2014 av den konstitusjonelle domstolen i landet.CNN, Talking politics with Thailand's PM, 18. desember 2008 Retten fann henne skuldig i maktmisbruk ved å ha avsett den nasjonale tryggleikssjefen Thawil Pliensri i 2011. Etter statskuppet i Thailand i mai 2014 blei Yingluck arrestert saman med andre tidlegare regjeringsmedlemmer og partileiarar og halden i fangenskap i nokre dagar medan militæret sikra makta.
Ho blei seinare stilt for retten i samband med rolla si i den nasjonale ris-politikkomiteen. Etter å ha flykta frå landet blei ho funnen skuldig og dømd til fem år i fengsel in absentia. Passet hennar blei kansellert av styresmaktene. Seinare skal ho ha fått serbisk statsborgarskap.
Kjelder
Yingluck to be 'clone' of ex-PM brother Yingluck, Pheu Thai win in a landslide
Denne artikkelen bygger på «Yingluck Shinawatra» frå , den 8. september 2019.
Kategori:Thailandske politikarar Kategori:Thailandske statsministrar