Augusta Abrahamsen () var ein norsk forfattar, godtemplar og kvinnesakskvinne.
Jentenamnet hennar var Augusta Falkenberg og ho var dotter til prost Magnus Falkenberg og kona Bolette Margrethe, fødd Søeberg. Familien flytte frå Valle til Flekkefjord då Augusta var to år gamal, og ho voks opp i den vesle kystbyen. Seinare flytte dei til Larvik og ho tok der middelskuleeksamen i 1880. I 1891 gifte ho seg med sakføraren Lars Kristian Abrahamsen. Han vart politikar for Venstre og sat fleire periodar på Stortinget og var også statsråd. Begge var aktive i fråhaldsrørsla og ho var ein leiar i Larvik i arbeidet for stemmerett for kvinner.
Augusta Abrahamsen byrja tidleg å skrive. Ho hadde stykke på prent i ulike blad og aviser, men ho skreiv då ikkje under fullt namn, berre Augusta. Fyrste boka ho fekk gjeve ut kom på svensk i 1894, Storskrytaren och andra berättelser för barn. Det var ei samling forteljingar tidlegare prenta i ulike blad. Den fyrste norske bokutgjevinga hennar kom i 1901 og heitte 8 barnefortællinger.
Bøker 1894 – Storskrytaren och andra berättelser för barn – Forteljingar for born 1901 – 8 barnefortællinger – Forteljingar for born 1908 – Radikalerens hustru ; Mammon ; Faderløs ; Henrik – Forteljingar 1912 – Den lille tyske musikant : og andre barnefortællinger – Forteljingar for barn 1939 – For lenge, lenge siden : fortellinger fra mors og bestemors tid – Forteljingar i utval ved Idar Handagard
Referansar
Bakgrunnsstoff
Bøker av Augusta Abrahamsen digitalisert hjå Nasjonalbiblioteket Utgjevingar av Augusta Abrahamsen i BIBSYS Ask Utgjevingar av Augusta Abrahamsen i Biblioteksøk
Kategori:Norske barnebokforfattarar Kategori:Norske kvinnesaksfolk Kategori:Folk frå Valle Kategori:Folk frå Flekkefjord Kategori:Folk frå Larvik Kategori:Forfattarar frå Vest-Agder Kategori:Forfattarar frå Aust-Agder Kategori:Forfattarar frå Vestfold