Fabrice Guy () er ein fransk tidlegare kombinertløpar frå Pontarlier. Han vart olympisk meister i øvinga i 1992 og tok bronsemedaljen i verdsmeisterskapen på ski i 1997. Med Frankrikes kombinertlag fekk han ein sølvmedalje i VM 1991 og ein bronsemedalje i OL 1998.
Aktiv I sin fyrste sesong i verdscupen i kombinert oppnådde Guy midt i januar 1987 ein sjuandeplass. Året etter deltok han i OL i Calgary, og hamna på 20. plass. Han stod fyrste gong på verdscuppallen i mars 1989 i Lake Placid i USA, der han hadde berre Trond Arne Bredesen og Klaus Sulzenbacher føre seg. Gjennom 1990-sesongen etablerte Guy seg i verdseliten i kombinert, med ein andreplass og ein tredjeplass midt i januar som største prestasjonane.
Guy kom på 13. plass i den individuelle øvinga under verdsmeisterskapen i Val di Fiemme i 1991, men gjekk så Frankrikes tremannslag inn til sølvmedalje i lagkonkurransen. I 1992 var Guy den beste kombinertrennaren i verda. Gjennom sesongen vann han seks verdscuprenn, frå Strbske Pleso midt i desember månad til Holmenkollen midt i mars månad. Under vinter-OL på fransk heimebane i Albertville toppa han sesongen med å vinne OL-gullet i kombinert, landsmannen Sylvain Guillaume syrgde for at det vart fransk dobbeltsiger.
Etter jubelsesongen 1992 makta ikkje Guy å kome på sigerspallen i individuelle tevlingar i verdscupen, ein fjerdeplass i St. Moritz den 16. desember 1995 vart han beste plassering. I verdsmeisterskapen i Falun i 1993 vart han nummer 16, året etter vart han nummer 17 i OL på Lillehammer. Han overraska med å ta bronsemedaljen i VM 1997 i Trondheim. Under dei olympiske leikane i 1998 gjekk han sisteetappen for det franske laget som tok bronsemedaljen i lagkonkurransen under olympiaden i Nagano.
Guy la opp som kombinertløpar etter 1999-sesongen.
Kjelder Sportsboken, aktuelle årgangar
Bakgrunnsstoff
Kategori:Franske kombinertløparar Kategori:Olympiske meistrar for Frankrike Kategori:Olympiske bronsemedaljevinnarar for Frankrike Kategori:Franske deltakarar under vinter-OL 1988 Kategori:Kombinertløparar under vinter-OL 1988 Kategori:Medaljevinnarar under vinter-OL 1992 Kategori:Franske deltakarar under vinter-OL 1992 Kategori:Kombinertløparar under vinter-OL 1992 Kategori:Franske deltakarar under vinter-OL 1994 Kategori:Kombinertløparar under vinter-OL 1994 Kategori:Medaljevinnarar under vinter-OL 1998 Kategori:Franske deltakarar under vinter-OL 1998 Kategori:Kombinertløparar under vinter-OL 1998