mini|Robert Kranjec i 2014 Robert Kranjec () er ein slovensk skihoppar frå Kranj. Han er særleg kjend som ein dyktig skiflygar og vart verdsmeister under VM i skiflyging i Vikersund den 25. februar 2012. Kranjec har og vunne ein OL-bronse, 2002, ein VM-bronse, 2011, samt ein bronse i VM i skiflyging 2012, alle saman i laghopping for Slovenia.
Aktiv Kranjec debuterte i verdscupen i skihopping i mars 1998. Sidan 2002-sesongen har han dei fleste sesongane kunna måle seg mot dei beste skihopparane i verda. Saman med Primož Peterka, Peter Žonta og Damjan Fras tok han bronse for Slovenia i laghoppinga under Vinter-OL i Salt Lake City i 2002. Hans beste individuelle resultat i VM på ski og i nordiske greiner under vinter-olympiadar er sjetteplassen i storbakken i Val di Fiemme i 2003, og same plasseringa i normalbakken under OL 2010 i Vancouver. Han var ankermann på laget som tok bronse i lagkonkurransen i stor bakke i Ski-VM i Holmenkollen 2011.
Under verdsmeisterskapen i skiflyging 2012 i Vikersundbakken sette han personleg rekord med 244 meter i andre omgangen og vart verdsmeister med 408,7 poeng, tre poeng føre norske Rune Velta.
Frå mars 2002 til januar 2013 har Kranjec fjorten pallplasseringar (4-3-7) i verdscupen, heile ni av dei i skiflygingsbakkar. Hans beste samanlagtplassering i verdscupen kom i 2012-sesongen, han enda då på niandeplassen.
Verdcupsigrar Dato Stad Land 26. november 2005 Kuusamo Finland 9. januar 2010 Bad Mitterndorf Austerrike 15. januar 2012 Bad Mitterndorf Austerrike 16. mars 2012 Planica Slovenia
Dessutan var han i februar 2012 og i januar 2013 med på Slovenias firemannslag som sigra i laghopping i verdscuprenn i høvesvis Oberstdorf og Zakopane.
Bakgrunnsstoff
Kategori:Slovenske skihopparar Kategori:Verdsmeistrar i skiflyging Kategori:Olympiske bronsemedaljevinnarar for Slovenia Kategori:Medaljevinnarar under vinter-OL 2002 Kategori:Slovenske deltakarar under vinter-OL 2002 Kategori:Skihopparar under vinter-OL 2002 Kategori:Slovenske deltakarar under vinter-OL 2006 Kategori:Skihopparar under vinter-OL 2006 Kategori:Slovenske deltakarar under vinter-OL 2010 Kategori:Skihopparar under vinter-OL 2010 Kategori:Slovenske deltakarar under vinter-OL 2014 Kategori:Skihopparar under vinter-OL 2014 Kategori:Deltakarar under Ski-VM 2003 Kategori:Deltakarar under Ski-VM 2009 Kategori:Deltakarar under Ski-VM 2011 Kategori:Deltakarar under Ski-VM 2013