Lars Nilsson Sæim () var ein norsk lærar, gardbrukar og stortingsmann frå Alversund i Hordaland. Sæim var medlem av Venstre.
Sæim var son til ein gardbrukar på Sæim. Sjølv vart han seminarist frå Stord i 1881 og vart så tilsett som lærar i Manger same året. Året etter fekk stilling som lærar og kyrkjesongar i Brunkeberg i Telemark. Der vart han verande til 1888, då han vende heim til Sæim og dreiv ein privatskule det neste året. Det fylgjande skuleåret, 1889-90, heldt han privatskule i Heddal i Telemark. Åra 1890-96 var han lærar og kyrkjesongar i Slemdal. I 1896 tok han over farsgarden på Sæim og dreiv denne sidan. Dei fire åra fram til 1900 var han også lærar og kyrkjesongar i heimbygda.
Sæim var medlem av heradsstyra i både Kviteseid kommune, Slemdal og Alversund. Han var varaordførar i Alversund 1905-10 og sidan ordførar. Elles var han formann i skulestyret frå 1904 til -10 og styreformann i Alversund Sparebank frå 1910. Sæim representerte ein einmannskrins i Nordhordland på Stortinget frå 1913 til -18. I den fyrste valperioden var han medlem av tollkomiteen, i den andre av vegkomiteen.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar frå Venstre Kategori:Stortingsrepresentantar for Søndre Bergenhus amt Kategori:Stortingsrepresentantar 1913-1915 Kategori:Stortingsrepresentantar 1916-1918 Kategori:Ordførarar i Alversund Kategori:Venstreordførarar i Hordaland Kategori:Lokalpolitikarar i Kviteseid Kategori:Lokalpolitikarar i Siljan Kategori:Venstrepolitikarar i Telemark Kategori:Norske gardbrukarar Kategori:Norske pedagogar Kategori:Folk frå Lindås