Antti Abram Hyvärinen () var ein finsk skihoppar frå Rovaniemi. Han vart olympiameister i skihopping under OL 1956 i Cortina d'Ampezzo. Hyvärinen var medlem av Ounasvaaran Hiihtoseura.
Aktiv Hyvärinen debuterte internasjonalt under vinter-OL 1952 i Oslo. Her kom han på sjuandeplass i hopprennet, og vart dermed beste finne i tevlinga. To år seinare kom han på niandeplassen under ski-VM 1954 i Falun, der landsmennene Matti Pietikäinen og Veikko Heinonen syrgde for finsk dobbelsiger. I 1955 deltok Hyvärinen i Holmenkollrennet og vart nummer fem, landsmannen Aulis Kallakorpi sigra.
Hyvärinen og Kallakorpi gjentok under vinter-OL 1956 bragda til landsmennene som vann dobbelsiger under ski-VM 1954. Etter 81 meter i fyrste omgang slo Hyvärinen til med dagens lengste hopp, 84 m, i den andre omgangen og enda på 227 poeng, to poeng meir enn Kallakorpi og 2,5 poeng føre bronsemannen Harry Glaß frå Tyskland. Dermed vart Hyvärinen den fyrste ikkje-nordmann som vann olympisk gull i skihopping. Pa tampen av OL-sesongen 1956 vann han Homenkollrennet framom norske Arne Hoel.
Etter 1956 plasserte Hyvärinen seg lengre nede på resultatlistene. Han vart nummer seks i Holmenkollen i 1957 og kom på sjuandeplassen i 1960. I 1960 slutta han som skihoppar og arbeidde dei neste fire åra som konstruktør av skibakkar.
Hyvärinen døydde i Bad Nauheim i Tyskland.
Kjelder
P.Chr. Andersen:Den nye olmpiaboken, 1957 Denne artikkelen bygger på «Antti Hyvärinen» frå , den 22. november 2012.
Bakgrunnsstoff
Kategori:Finske skihopparar Kategori:Olympiske meistrar for Finland Kategori:Olympiske medaljevinnarar i skihopping Kategori:Verdsmeistrar i skihopping Kategori:Finske deltakarar under vinter-OL 1952 Kategori:Skihopparar under vinter-OL 1952 Kategori:Medaljevinnarar under vinter-OL 1956 Kategori:Finske deltakarar under vinter-OL 1956 Kategori:Skihopparar under vinter-OL 1956