Sorte Mand, som opphavleg heitte SCIPIO, er eit norsk sigarmerke frå A/S Johannes N. With’s Tobaksfabrikker. Varemerket for sigaren er bilete av ei byste i svart marmor av den romerske hærføraren Scipio Africanus den eldre, og det var som SCIPIO sigarmerket vart meldt inn til varemerkeregisteret i mars 1915. Men namnet vart endra til SORTE MAND i august 1919 av di publikum spurte etter sigaren med den sorte (svarte) mannen, ettersom «den sorte mannen» pryda emballasjen for sigarane.
I 1922 tok J.L. Tiedemanns Tobaksfabrik over With’s Tobaksfabrikker.
Utval Corona Sorte Mand (half corona). Blanda av tobakk frå Brasil og Sumatra, med noko Havana og Vorstenlanden. Dekkbladet er Sumatra. Maskinrulla og ferdig klipt (avkutta) i tuppen.
Corona Emperador (corona). Blanda av tobakk frå Havana, Brasil og Java. Dekkbladet er Sumatra. Maskinrulla, men ikkje klipt i tuppen.
Kjelder Denne artikkelen bygger på «Sorte mand» frå , den 31. oktober 2012.
Kategori:Sigarar Kategori:Norske varemerke Kategori:Skipingar i 1915