Rockville Centre er ein «village» (kommune) i Nassau County i staten New York i USA. Byen har eit folketal på 24 568 (2000). Setntrum, Village of Rockville Centre, ligg i den sørvestlege delen av Town of Hempstead i New York. Byen inneheld Molloy College og er bispesete for det romersk-katolske bispedømmet Rockville Centre. Byen, kjend som «RVC» blant innbyggjarane der, hevdar å ha det høgste talet restaurantar per person i USA.
Historie Byen vart busett av europeiske kolonistar på 1600-talet, og vart da kalla «New Rockaway». Byen fekk kommunalt sjølvstyre i 1893.
Geografi Rockville Centre ligg på 40° 39' 48" N 73° 38' 13" W og har ei flatevidd på 8,7 km²; av dette er 8,5 km² land og 0,2 km² vatn — ein vassflatedel på 2,38 %.
Folk frå Rockville Centre
Komikaren Dave Attell vart fødd der. Tidlegare NBA-spelar og noverande hovudtrenar for korgballaget ved University of Florida, Billy Donovan, vart fødd der. Forfattaren Doris Kearns Goodwin voks op der, og memoarboka hennar om baseball, Wait Till Next Year: A Memoir (ISBN 0-684-82489-2), finn stad der. Rockestjerna Joan Jett budde der i 1980-åra; i 2003 bruka ho ei Rockville Centre-adresse som heimeadressa si da ho stilte til val som ein New York-delegat for Howard Dean. Relief pitcher Billy Koch vart fødd der. Radiomannen Howard Stern flytte dit da han var 15 og gjekk på South Side High School i Rockville Centre. Segway Human Transporter-oppfinnaren Dean Kamen gjekk på South Side High School. Tidlegare Major League Baseball-spelar Sandy Koufax budde i Rockville Centre i tida 1944–1949. Broadway-lysdesigneren Don Holder (musicalen Movin’ Out) fullførte highschool ved South Side High School.
Kjelder
Denne artikkelen bygger på «Rockville Centre» frå , den 15. juli 2005.
Bakgrunnsstoff
Rockville Centre Public School District Official website of the village's Chamber of Commerce Rockville Centre Herald Rockville Centre Police Benevolent Association Parish of Saint Agnes Cathedral
Kategori:Nassau County i New York Kategori:Kommunar i New York