Charles «Charlie» Mingus () var ein amerikansk jazz-bassist, bandleiar, pianist og ein av dei viktigaste jazzkomponistane rundt midten av 1900-talet.
Mingus blei fødd på ein militærbase i Arizona, men voks stort sett opp i Watts, Los Angeles.
Av albuma til Mingus finn ein blant andre The Clown (1957) og Mingus Ah Um (1959). Han skapte ein heilt eigen, unik form for jazzmusikk og unngikk bevisst å bli plassert i ein kategori.
Charles Mingus opptredde med og spelte inn album med mange av det mest namngjetne i jazzen: Dizzy Gillespie, Miles Davis, Lionel Hampton, Dave Brubeck, Duke Ellington og Charlie Parker.
Mingus leid i periodar av depresjon. Han kunne til tider arbeide frenetisk og skape mykje musikk, men desse periodane blei ofte følgd av ganske lange periodar men minimal produksjon. Han var kjent for å ha eit notorisk dårleg temperament på scenen og det kunne gå ut over både orkestermedlemmene og publikum.
I 1977 fekk Mingus diagnosen ALS – amyotrofisk lateralsklerose – ein motorisk nervesjukdom som innebar att både konsertverksemd og skapande arbeid tok slutt. I 1979 blei hans siste album gitt ut, Mingus, som han gjorde saman med Joni Mitchell. Han døydde før plata var ferdig, men Mitchell la siste hand på verket.
Diskografi i utval 1954: Jazzical Moods 1956: Pithecanthropus Erectus 1957: The Clown 1957: Tijuana Moods 1957: New Tijuana Moods 1957: The Jazz Experiments of Charles Mingus 1959: Blues & Roots 1959: Mingus Ah Um 1959: Mingus Dynasty 1960: Pre Bird 1960: Mingus at Antibes 1960: Blues & Roots 1960: Charles Mingus Presents Charles Mingus 1962: Oh Yeah 1963: The Black Saint and the Sinner Lady 1963: Mingus Plays Piano 1963: Mingus Mingus Mingus Mingus Mingus 1972: Let My Children Hear Music 1974: Changes One 1974: Changes Two 1976: Cumbia & Jazz Fusion 1977: Three or Four Shades of Blue 1979: Me, Myself an Eye 1990: Epitaph
Litteratur Brian Priestley: Mingus: A Critical Biography, Quartet Books, London, 1982, ISBN 0-7043-2275-7 Todd S. Jenkins: I Know What I Know: The Music of Charles Mingus, Westport, CT / London: Praeger 2006, ISBN 0-275-98102-9 Gene Santoro Myself when i m real- the life and music of Charles Mingus, Oxford University Press 2000, ISBN 0-19-514711-1
Bakgrunnsstoff
Charles Mingus – Underdog Revisited Detaljert diskografi Sue Graham Mingus si webside Charles Mingus: "The Black Saint And The Sinner Lady" , arte, 8. september 2006, i serien «30 Jahrhundertaufnahmen des Jazz», av Harry Lachner Biografi på alisch.trilithium.de Charles Mingus
Kategori:USA-amerikanske bassistar Kategori:USA-amerikanske jazzmusikarar Kategori:USA-amerikanske pianistar Kategori:USA-amerikanske jazzkomponistar Kategori:Folk frå Arizona Kategori:Folk frå Los Angeles