Anders Widmark () var ein svensk jazzpianist og -komponist fødd i Uppsala.
Musikk
Anders Widmark fullførte utdanninga si ved Musikkhøgskolen i Stockholm i 1986. Sidan det har han arbeidd som profesjonell musikar. Debutplata hans kom i 1991 og fekk namnet Sylvesters sista resa. Han spelte inn plata i samarbeid med songarinna Rebecka Törnqvist, som også platedebuterte med den same plata.
Sidan dette har han gjeve ut ei rekkje album, i samarbeid med fleire kjende artistar, t.d. Sara Isaksson, Louise Hoffsten, Bob Brookmeyer, Eddie Harris og Clark Terry. Han har gjeve ut to plater, Psalmer (1997) og Hymn (2004) der han har spelt inn improvisasjonar av salmar som er kjende i Sverige. Elles har musikken hans stundom vore iblanda hip-hop og soul, (på Anders Widmark and the Soul Quartet, 1992) og han har laga eigne versjonar av moderne hitar som «No Woman No Cry», «Waiting For a Train» og «Light My Fire» på Waiting for a Train (2006).
Anders Widmark har også jobba som programleiar for SVT 2 ein periode.
Utmerkingar
I 2003 gav han ut plata Genom varje andetag saman med Helen Sjöholm, og vann den svenske Grammis-prisen i klassen Årets visa. I 2005 vart han tildelt Jan Johansson-stipendet, til minne om den svenske jazzmusikaren Jan Johansson.
Diskografi
1991 - Sylvesters sista resa 1992 - Anders Widmark and The Soul Quartet 1994 - Holly Hannah 1995 - Freewheelin 1996 - Anders Widmark 1997 - Psalmer 2000 - Carmen 2002 - Anders Widmark featuring Sara Isaksson 2003 - Genom varje andetag (med Helen Sjöholm) 2004 - Hymn 2006 - Waiting for a Train 2008 - Pool of happiness (med Sara Isaksson)
Kjelder
Denne artikkelen byggjer på «Anders Widmark» frå , den 31. august 2011. Biografi på den offisielle nettsida på svensk Biografi på den offisielle nettsida på engelsk.
kategori:Svenske jazzmusikarar kategori:Svenske pianistar kategori:Grammisvinnarar kategori:Folk frå Uppsala Kategori:Programleiarar for SVT