Mads Andre Hansen () er ein norsk programleiar og tidlegare fotballspelar i eliteserien og 1. divisjon.
Biografi Mads Hansen vart fødd i Lier. Hansen har bachelorgrad i marknadsføringsleiing ved BI. Han har tidlegare spelt indreløpar for Lier Idrettslag, Strømsgodset Toppfotball, to periodar i Mjøndalen Idrettsforening og Fredrikstad Fotballklubb.Slapp å betale FFK-overgangen selv – NRK Østfold
25. oktober 2009 vart han matchvinnar i kampen mellom Mjøndalen og Hønefoss Ballklubb etter eit raid frå eigen banehalvdel. Målet er samanlikna med Diego Maradona sitt mål for Argentina mot England i kvartfinalen i VM i Mexico i 1986. Med siger 2–1 mot serieleiaren Hønefoss sikra Mjøndalen plassen i Adeccoligaen. Målet vart òg kåra til «årets mål» under Gullballen på NRK1 6. november 2009
Han la opp som fotballspelar i april 2018 på grunn av manglande motivasjon og nye jobbmoglegheiter.
Frå 2014 leidde han saman med Christian Gauseth TV-serien 2 mot 1 på TV 2. Han medverkar i Spårtsklubben på VGTV saman med Ida Fladen, Jon Martin Henriksen, Erik Follestad Johansen og Oskar Westerlin.
Hansen gav ut den første låten sin, «Sommerkroppen», 30. mai 2018, ein låt som etter to dagar gjekk til topps på den norske topplista til musikkstrøymetenesta Spotify. «Sommerkroppen» strøymde seg til gullplate raskare enn nokon annan song har gjort i Noreg før. Hansen vart hyra inn til å delta på det årlege musikkarrangementet VG-lista topp 20, fredag 22. juni 2018 på Rådhusplassen i Oslo. Der avslutta han showet med «Sommerkroppen». For låten vann han Spellemannprisen 2018 i klassen årets låt. I november 2018 heldt han fram musikkarrieren sin, no som produsent, med songen «Juletragedien». Vokalen på songen er framført av Erik Follestad Johansen og Linni Meister, og songen toppa den norske Spotify-lista frå 21. november og fram til jul.Spotify-liste til Spotify-liste
Ved enden av mai 2020 vart det klårt at Hansen skulle ta over for Gaute Grøtta Grav som programleiar for TV 2-programmet Farmen og han har leidd programmet sidan sesong 16 som vart vist hausten same år. Hansen gav same år òg ut boka Min instastory. For Farmen og VGTV-serien Ikke lov å le på hytta var han ein av fire finalistar til publikumsprisen under Gullruten 2021.
Bibliografi
Kjelder
Denne artikkelen bygger på «Mads Hansen» frå , den 30. oktober 2021.
Bakgrunnsstoff
Kategori:Norske musikarar Kategori:Norske forfattarar Kategori:Vinnarar av Spellemannprisen Kategori:Folk frå Lier Kategori:Strømsgodset-spelarar Kategori:Mjøndalen-spelarar Kategori:Fredrikstad-spelarar Kategori:Norske programleiarar Kategori:Norske fotballspelarar