Hans Mathias Odberg () var ein norsk garvar, gardbrukar, næringsdrivar og stortingsmann frå Hedrum i Vestfold. Han representerte Venstre.
Odberg var son til ein gardbrukar. Han gjekk i garvarlære og dreiv garvar forretning i Larvik i tida 1867-80. I 1880 slo han seg ned som gardbrukar på Håvaldsrød i Brunlanes, der han også starta såpefabrikk. Åtte år seinare tok han over farsgarden Odberg og busette seg der. På Odberg dreiv han trevarefabrikk. Han var medlem av heradsstyret i Brunlanes, og seinare i Hedrum.
Odberg var 4. representant frå Jarlsberg og Larviks amt på Stortinget 1892-94. Han var 1892 medlem av gasje- og pensjonskomiteen, 1893-94 av budsjettkomiteen.
I 1910 slo han seg ned i Kristiania.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1892-1894 Kategori:Folk frå Larvik