Jacob Thurman Ihlen () var ein norsk sakførar og stortingsmann frå Holmestrand.
Ihlen var son til ein skipsreiar. Sjølv vart han student i 1851 og cand. jur. i 1855. Han var så tilsett ved eit handelskontor i Christiania i tre år. Sidan 1859 var han fyrst overrettssakførar og seinare høgsterettsadvokat.
I 1867 vart Ihlen styreformann i brannassurandøren «Norden» og fire år seinare fekk han same posisjonen i sjøforsikringsselskapet «Poseidon». Han vart formann i den kongelege patentkommisjonen i 1876 og i sjølovskommisjonen i 1882.
Ihlen var medlem av bystyret i hovudstaden i mange år. Han var stortingsrepresentant for Kristiania, Hønefoss og Kongsvinger frå 1883 til 1888. I begge valperiodane var han medlem av tollkomiteen. Han slutta seg til Høgre si gruppe i Stortinget.
Han døydde i hovudstaden i 1903.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1883-1885 Kategori:Stortingsrepresentantar 1886-1888 Kategori:Stortingsrepresentantar frå Høgre Kategori:Høgrepolitikarar i Oslo Kategori:Norske juristar Kategori:Folk frå Holmestrand