Anders Moe Rognhaug () var ein norsk illustratør og forfattar. Frå 1922 budde han i Beitstad i Nord-Trøndelag. Han var fødd Anders Moe, men sidan staden han budde vart kalla Rognhaug, tok han etter kvart det namnet og. Han er truleg den personen som har stått for flest bidrag til norske julehefte. Der har han skrive over 500 dikt og forteljingar. Mange av desse illustrerte han sjølv. Han teikna og framsider til mange julehefte. Han var særleg iherdig bidragsytar til lokale hefte. Han skreiv og flittig i avisene. Ander Moe underteikna ofte det han skreiv med «amo». Etter han tok namnet Rognhaug, vart signaturen «amor».
Ander Moe-Rognhaug skreiv og fleire bøker, utan at han har vorte særleg kjend for det.
Bøker Skipshelleren - forteljing (1943) Snorre Snøgg og Svegutane (1952) Sommardagar i Sandvika (1976) I lag med "Lettvinten" (1977) Gullkorn i sanden (1978) Nye dagar kjem austanfrå (1979) Kvennanatt (1980) I fjellmannens fotefar (1980)
Kjelder Tom Brenne:Norske julehefter. De litterære juleheftene fra 1880 til i dag. Messel Forlag 2009 Steinkjerleksikonet: Anders Moe-Rognhaug
Kategori:Norske forfattarar Kategori:Norske illustratørar Kategori:Folk frå Tana