«Chelsea Morning» er ein song skriven av Joni Mitchell og gjeven ut på albumet hennar Clouds i 1969."Discography - Judy Collins - Chelsea Morning/Pretty Polly", Billboard.com. Henta 19. januar 2011
Songen vart inspirert av rommet til Mitchell i nabolaget Chelsea i New York City. Inspirasjonen for det første verset kjem delvis frå dekoren i leilegheita hennar. Medan ho var i Philadelphia hadde Mitchell og venene hennar laga ein uro frå bitar av farga glas dei hadde funne på gata og ståltråd, som filtrerte lyset i rommet hennar gjennom vindauget og skapte ein «regnboge på veggen» («rainbow on the wall»).Hilburn, Robert: Los Angeles Times. "Joni Mitchell looks at both sides now: her hits -- and misses" , NewStandard. 12/7/96. Henta 19. januar 2011. Då ho spelte songen på kafear seint i 1960-åra forklarte Mitchell at det farga glaset kom frå vindauge frå eit øydelagd hus.
Teksten syner talentet Mitchell hadde for biletspråk, og den visuelle inspirasjonen hadde ho frå bakgrunnen sin i visuell kunst. «The sun poured in like butterscotch and stuck to all my senses.» Mitchell snakka om songen i 1996: «Det var ei ung og herleg tid... før eg hadde platekontrakt. Eg synest det er ein særs søt song, men eg synest ikkje han er av mine beste. For meg verkar desse tidlege songane som noko ei naiv, uskuldig jente skreiv.»
«Chelsea Morning» vart faktisk skriven før Mitchell gav ut debutalbumet Song to a Seagull i 1968, men Mitchell heldt songen tilbake for det andre albumet sitt, delvis fordi «Chelsea Morning» alt hadde vorte spelt inn av andre artistar, mest kjend av Judy Collins, som spelte songen i 1968 til Who Knows Where the Time Goes. Ho gav ut songen på singel i juli 1969 og nådde 25. plass på Billboardlista for easy listening, og ein 78. plass på den offisielle singellista.
Andre tidlege versjonar av «Chelsea Morning» vart spelte inn av Fairport Convention på deira sjølvkalla debutalbum i juni 1968Unterberger, Richie (2008). "'Chelsea Morning' - Joni Mitchell", AllMusic. Henta 19. januar 2011. og av Jennifer Warnes på debutalbumet hennar I Can See Everything frå 1968. Den sistnemnde versjonen vart gjeven ut på singel i 1969.
I 1980 vart to versjonar av «Chelsea Morning» rangert som Easy Listening-hittar i Billboard: Green Lyte Sunday med Susan Darby, som nådde 29. plass, og Sérgio Mendes & Brasil '66 som tok songen til 21. plass. Neil Diamond spelte inn «Chelsea Morning» for albumet Stones i 1971.
Joni Mitchell-utgåva av songen finst på filmmusikken til filmen After Hours frå 1985.
Bill og Hillary Clinton har sagt at dottera deira Chelsea er kalla opp etter songen framført av Judy Collins.Popik, Barry (2005) "'Chelsea Morning' (1969)", The Big Apple. 27. februar 2005. Henta 19. januar 2011. Collins framførte songen på tiltredingsdagen til president Clinton i 1993.
Kjelder
Denne artikkelen bygger på «Chelsea Morning» frå , den 19. januar 2011. oppgav desse kjeldene:
Kategori:Songar frå 1967 Kategori:Singlar frå 1969 Kategori:Joni Mitchell-songar Kategori:Judy Collins-songar Kategori:Fairport Convention-songar Kategori:Folkrock-songar Kategori:Songar skrivne av Joni Mitchell Kategori:Elektra Records-singlar Kategori:Songar om New York Kategori:Songar produserte av Joni Mitchell Kategori:Songar produserte av Paul Rothchild Kategori:Sergio Mendes-songar Kategori:Neil Diamond-songar Kategori:Emiliana Torrini-songar