Olav Werner () var ein norsk songar frå Geithus i Modum kommune. Han var mykje nytta som solist både i Ønskekonserten og NRK sine andaktsprogram. Han gav ut ei rekke plater og heldt mange konsertar, over 300 av desse var saman med organisten Rolf Holger.
Olav Werner var tenor/baryton. Han studerte song med Sigurd Hoff ved Musikkonservatoriet i Oslo. Frå 1937 song han inn over 600 singlar og LP-plater. I fleire år song han slagarar, men i 1945 debuterte han med kyrkjekonsertar. I NRK song Werner romansar og folketonar. Han medverka òg ved eit par operaoppsettingar. I 19 år var han medlem av Andaktskvartetten. Han var med då operaen Cymbelin vart oppført på Nationaltheatret. Han gav konsertar i Skandinavia, England og Tyskland.
7. juni 2009 vart det avduka ein bauta til minne om Olav Werner på Geithus. Olav Werner budde på Eiksmarka det meste av livet sitt. I mange år åtte og dreiv han eit gravferdsbyrå i Oslo,
Diskografi «Det lyser i et vindu» (1938). Debutplate. «Under svaiende palmer»/«Mitt paradis» (Odeon), saman med Eva Bereng til Guttorm Frølichs Hawaiiorkester. «Kom til den hvitmalte kirke» (Emidisc) «Glade Jul» (Odeon), saman med Sølvguttene
Kjelder Denne artikkelen bygger på «Olav Werner» frå , den 27. oktober 2013.
Notis i Budstikka 6. juni 2009 side 49. Olav Werner død. Artikkel i Aftenposten 11. mars 1992 side 37.
Bakgrunnsstoff Om Olav Werner hos ballade.no
Kategori:Norske songarar Kategori:Folk frå Modum