Winston Wiremu Reid () er ein dansk-newzealandsk fotballspelar som har spelt forsvar for West Ham United sidan 5. august 2010.
Reid vart fødd i North Shore ved Auckland av maori-foreldre. Som tiåring flytte han frå New Zealand til Danmark med mora og den danske stefaren hans. Her tok han etter kvart til med å spela fotball på fulltid, både for Sønderborg og Midtjylland. Då Reid fekk dansk statsborgarskap i 2006 vart han innkalla til det danske U19-landslaget. Han heldt fram med å spela for Danmark på U19-, U20- og U21-nivå fram til 2010, då han bestemte seg for å spela for landslaget til New Zealand. Han deltok i VM i fotball 2010 i Sør-Afrika og skåra her sitt hittil einaste landslagsmål i ein kamp mot Slovakia som enda 1 - 1. Reid sitt mål kom i det nittitredje speleminuttet.
Kjelder Engelsk Wikipedia om Winston Reid.
Kategori:Newzealandske fotballspelarar Kategori:West Ham-spelarar Kategori:Danske fotballspelarar Kategori:Maoriar Kategori:Midtjylland-spelarar Kategori:Newzealandske deltakarar under sommar-OL 2020 Kategori:Fotballspelarar under sommar-OL 2020