Samson Toresson Stueland () var ein norsk gardbrukar og stortingsmann frå Kvinnherad.
Stueland var i yngre år skulehaldar, tok så over farsgarden og dreiv denne. Han dreiv elles med rosemåling og han dikta songar og salmar, gav i 1824 ut heftet Enfoldige Sange. Stueland kom med i det fyrste heradsstyret i Kvinnherad, og var medlem av heradsstyret 1838-58, ei tid ordførar. Valmann 1833-58. Stueland var haugianar, og i 1842 til stades ved skipinga av Det Norske Misjonsselskap. Seinare same året danna han i heimbygda lokallag for misjonsselskapet. I 1864 var han den leiande då det vart skipa ei indremisjons-«fællesforeing» for Sunnhordland, Hardanger og Voss.Atle Døssland: Føresetnadene for eit kristeleg politisk parti i Hordaland i 1933 i Syn og Segn 1/76
Han var 4. representant frå Søndre Bergenhus amt på Stortinget 1836, medlem av kyrkjekomiteen, og av omframstortinget 1836-37.
Kjelder Lindstøl, Tallak: Stortinget og Statsraadet 1814-1914. Kristiania, 1914 Norsk Allkunnebok, X. bandet. 1965.
Notar
Kategori:Stortingsrepresentantar 1836-1838 Kategori:Stortingsrepresentantar for Hordaland Kategori:Ordførarar i Kvinnherad Kategori:Norske gardbrukarar frå 1800-talet Kategori:Folk frå Kvinnherad