Lihellene naturreservat er eit naturreservat i Gulen kommune i Vestland. Formålet med fredinga er å bevara hekkande sjøfugl i øygarden i Sognesjøen. Dette fuglereservatet ligg litt lengre aust i Sognesjøen enn dei fire andre fuglereservata i kommunen, nær fastlandet inn mot munningen av Sognefjorden. Arealet er 403 dekar, der 107 daa er landareal og 296 daa sjøareal.

Regjeringa vedtok i 1993 Verneplan for sjøfugl som gav 57 fuglereservat på i alt 11 km² langs kysten av Sogn og Fjordane.Sogn og Fjordane – Sjøfuglreservat – Miljøstatus. Planen er basert på dei første verneforslaga frå 1977, vidare Stortingsmelding nr 68 (1980-81) Vern av norsk natur som fastslo målet om å verna eit representativt naturutval i Noreg, og første høyringsforslag om sjøfuglvern i Sogn og Fjordane frå 1984. Det blei i tida 1977–88 hatt synfaring og utreidd 350 sjøfugllokalitetar i fylket. Forarbeidet i delplanen til fylket blei sendt ut på høyring i 1991 som Verneplan for sjøfugl – delplan 5 Sogn og Fjordane.Verneplan for sjøfugl - delplan 5 Sogn og Fjordane – Fylkesmannen i Sogn og Fjordane, 1991. Hovudmålet er å verna hekkeplassane i fylket, med mål om å sikra hekkeplassar for halve bestanden av dei mest vanlege sjøfuglane, og heile bestanden av dei mest sjeldne hekkefuglane i fylket.

I Gulen kommune fekk Lihellene naturreservat og Kvernøyna naturreservat andreprioritet, mens dei øvrige tre sjøfuglreservata fekk tredjeprioritet som vernelokalitetar.Verneplan for sjøfugl – delplan 5 Sogn og Fjordane - Fylkesmannen i Sogn og Fjordane, 1991, side 52.

Reglar for reservatet Det må ikkje bli sett i verk tiltak som kan skade eller forstyrre naturmiljøet. Det er forbode å ferdast i området eller forstyrre fugl i hekkeperioden. Det er våpen- og jaktforbod, og bandtvang, og utsetting av vilt er forbode. Ferdsel, camping, og oppankring nærare enn 50 meter er forbode.

Referansar

Bakgrunnsstoff Forskrift om verneområdet - Lovdata. Kart over naturreservatet - Miljøstatus. Besøkt 9. november 2010.

Kategori:Naturreservat i Gulen Kategori:Verneområde oppretta i 1993