Nottingham er ein by i Nottinghamshire i England, Storbritannia. Byen ligg ved elva Trent og er fyrst og fremst kjend for kniplingsindustri og legenda om Robin Hood. Han fekk status som city i 1897, og er i dag ei sameint styresmakt.
Sjølve byen har drygt ein kvart million innbyggjarar, men med forstader kjem folketalet opp i omkring trekvart million. Byen er sentrum i kolfeltet i East Midland og har ein variert industri med mellom anna framstilling av kniplingar, næringsmidlar, lêr og skotøy, legemidlar, tobakk, sy klar og telekommunikasjonsutstyr. På ei høgd sentralt i byen ligg borga Nottingham Castle med bymuseum og kunstgalleri. St. Mary's Church er frå 1400-talet og den katolske domkyrkja frå 1844. Byen har to teater.
Byen oppstod i angelsaksisk tid. Ei tidleg namneform var Snottingaham, «Snots bustad», truleg etter ein lokal leiar ved det som i dagens engelske språk er det noko uheldige namnet Snot.
På 800-talet vart Nottingham ein del av Danelagen og var den viktigaste byen deira.
Forfattaren Alan Sillitoe er frå Nottingham, men budde mesteparten av sitt vaksne liv i London.
Utdanning Byen har to universitet, University of Nottingham, med meir enn 30 000 studentar, og Nottingham Trent University med meir enn 25 000 studentar.
Kjelder
Delar av denne artikkelen bygger på «Nottingham» frå , den 9. juli 2011.
Bakgrunnsstoff
Kategori:Byar i Nottinghamshire Kategori:Sameinte styresmakter i England Kategori:Distrikt i East Midlands Kategori:Busetnader grunnlagde på 600-talet