Marianne Aasen () er ein norsk politikar frå Arbeidarpartiet. Ho hadde sete på Stortinget for Akershus fylke frå 2005 til 2017.
Aasen er cand. polit. med hovudfag i statsvitskap frå 1994, i tillegg til historie grunnfag og sosialøkonomi mellomfag. Ho arbeidde som journalist for A-pressen frå 1991 til 1995. Frå 1995 til 1996 var ho politisk rådgjevar for Sylvia Brustad.
Frå 1998 til 2000 var Aasen informasjonssjef i Europarørsla. Ho var leiar for Europarørsla i Asker frå 2003 til 2004. I Regjeringa Stoltenberg I, frå 30. mars 2000 til 19. oktober 2001, var Aasen politisk rådgjevar i Kommunal- og regionaldepartementet. Ho var politisk rådgjevar for stortingsgruppa til Arbeidarpartiet frå 2001 til 2005. I 2005 vart ho vald inn på Stortinget frå Akershus, og vart seinare vald på nytt i 2009 og 2013.
Ho er busett i Asker og var tidlegare gift med sjakkspelaren Simen Agdestein.
Regjering 2000–01: politisk rådgjevar i Kommunal- og regionaldepartementet
Stortingskomitear 2009–: leiar i kyrkje-, utdannings- og forskingskomiteen 2005–09: medlem i finanskomiteen 2005–09: medlem i valkomiteen
Kjelder Marianne Aasen hos Stortinget
Kategori:Stortingsrepresentantar frå Ap Kategori:Stortingsrepresentantar for Akershus Kategori:Stortingsrepresentantar 2005-2009 Kategori:Stortingsrepresentantar 2009-2013 Kategori:Stortingsrepresentantar 2013-2017 Kategori:Politiske rådgjevarar frå Ap Kategori:Norske statsvitarar Kategori:Folk frå Bergen