Gunnar Magnus Kjølstad Graarud () var ein norsk lege og politikar som var ordførar i Holmestrand og stortingsmann.
Graarud var fødd i Hammerfest i Finnmark der far hans var lege. Som nyutdanna lege kom Graarud til Holmestrand i Vestfold i 1882 der han opna privat praksis. Der arbeidde han fram til han døydde i 1932. Graarud var også overlege ved Modum bad frå 1896.
Graarud representerte partiet Høgre i Holmestrand bystyre frå 1892 og var ordførar i Holmestrand periodane 1898-1900 og 1907-09. I 1900 vart han vald inn til Stortinget, der han sat i to periodar, 1900-1903 og 1903-1906, og var medlem av kyrkjekomiteen. Han vart tildelt 7. juni-medaljen.
I august 1992 avduka Vestfolds dåverande fylkesmann Mona Røkke ei byste av Graarud, utført av bilethoggaren Arne Durban, utanfor Holmestrand Museum. Lokalhistorikaren og bypatrioten Graarud spela ei viktig rolla då museet vart etablert. Han var elles ein aktiv amatørfotograf.
Kjelder
Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar for Holmestrand Kategori:Stortingsrepresentantar frå Høgre Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Ordførarar i Holmestrand Kategori:Høgreordførarar i Vestfold Kategori:Norske legar Kategori:Folk frå Hammerfest Kategori:Folk frå Holmestrand