Fredrik Stang (d.y.) () var ein norsk jurist og politikar frå Høgre.

Fredrik Stang var fødd i Christiania som son til tidlegare statsminister Emil Stang og Adelaide Pauline Berg. Han var barnebarn til Frederik Stang og bror til journalisten og høgrepolitikaren Augusta Stang og til høgsterettsjustitiarius Emil Stang d.y., den tidlegare Arbeiderparti- og NKP-politikaren.

mini|venstre|Grava til Fredrik Stang d.y. og Nini Stang på Vestre gravlund i Oslo Fredrik Stang blei i 1890 cand. jur., var 1890-1892 advokatfullmektig i Oslo og hadde 1893-1894 utanlandsstudiar. I 1896 blei han høgsterettsadvokat og i 1897 professor i rettsvitskap. Han var frå 1906-1909 stortingsrepresentant, Høgre sin parlamentariske leiar og formann i Høgre, og 1912-1913 statsråd og sjef for Justisdepartementet (justisminister) i Jens Bratlie si regjering.

Etter det gjekk Stang ut av partipolitikken. I 1918 blei han dr. jur.. Frå 1921 til 1927 var han rektor ved Det Kongelige Frederiks Universitet. Han var medlem av Nobelkomiteen frå 25. mai 1918 til 31. desember 1918 og igjen frå 8. februar 1921, formann frå 2. oktober 1922 til han døydde. Han er særleg kjend for arbeidet sitt for å etablere Institutt for sammenlignende kulturforskning. Han vart utnemnd til æresdoktor ved Universitetet i København.

Stang gifta seg 7. desember 1894 med Caroline Schweigaard (1871–1900), dotter av statsminister Christian Homann Schweigaard. Han gifta seg seinare med Margrethe Grung Andvord (1883–1961). Ekteskapet vart oppløyst, og Stang gifta seg ein tredje gong – med Nini Augusta Wedel-Jarlsberg. Fredrik Stang var far til språkforskaren Christian Schweigaard Stang.

Kjelder

Bakgrunnsstoff

Kategori:Norske justisministrar Kategori:Statsrådar i Regjeringa Bratlie Kategori:Høgrestatsrådar Kategori:Leiarar for Høgre Kategori:Stortingsrepresentantar 1907-1909 Kategori:Stortingsrepresentantar for Oslo Kategori:Norske jusprofessorar Kategori:Professorar ved Universitetet i Oslo Kategori:Rektorar ved Universitetet i Oslo Kategori:Leiarar av Den Norske Nobelkomite Kategori:Gravlagde på Vestre gravlund Kategori:Politikarar frå Oslo