Jacob Hersleb Darre () var ein norsk prest og eidsvollsmann.
Darre var fødd i Overhalla, der far hans var sokneprest. Sjølv vart han student i 1776 og cand. theol. i 1784. Han tok deretter til som personalkapellan hos far sin i Overhalla, i 1792 vart han residerande kapellan i Orkdal. I den lange perioden 1797-1833 var han sokneprest i Klæbu.
I 1814 var Darre utsending frå Søndre Trondhjems amt til riksforsamlinga på Eidsvoll. Han tilhøyrde Sjølvstendepartiet. 17. mai 1814 var han medlem av deputasjonen som møtte Kristian Fredrik. Dagboka hans frå Eidsvoll vart seinare trykt i Historisk Tidsskrift.
Darre døydde i Klæbu i 1841.
Kjelder Tallak Lindstøl: Stortinget og Statsraadet 1814-1914. Kristiania, 1914, B. 1 D. 1 : Biografier A-K side 189, digital utgåve
Jacob Hersleb Darre frå Eidsvoll 1814
Kategori:Eidsvollmenn Kategori:Norske prestar Kategori:Folk frå Overhalla Kategori:Medlemmar av Det Kongelige Norske Videnskabers Selskab Kategori:Norske dagbokforfattarar