Loukás Výndra () er ein tsjekkisk-gresk fotballspelar med landskampar for Hellas. Han spelar i forsvar for Panathinaikós. Han har tsjekkisk far og gresk mor.
Klubbkarriere Výndra begynte proffkarrieren sin i fotballklubben Paniliakós i 1999, men gjekk over til Véria i 2000. I 2001 kom han tilbake til Paniliakós og spelte fast for dei, til han vart kjøpt av topplaget Panathinaikós i 2003/04-sesongen. Han var med på å vinna den greske serien og cupen den sesongen, men spelte berre 5 seriekampar. Sommaren 2007 var tyske Hertha Berlin interessert i å kjøpa Výndra, men Panathinaikós avslo dette. Han skåra mot Sevilla i UEFA-cupen i 2004/05-sesongen. Dei første to ligamåla sine for Panathinaikós skåra han mot PAOK Thessaloniki 8. februar 2009.
Han har for det meste spelt som høgreback for Panathinaikós, men sidan 2008/09-sesongen har han vore meir brukt som midtstoppar, og til tider òg som venstreback.
Landslagskarriere Výndra tok del i sommar-OL i 2004 for det greske fotballandslaget. Han var med i A-landslagstroppen til Confederations Cup i 2005, der han spelte to kampar. I 2008 var han med i troppen til fotball-EM, der han spelte éin kamp.
Kjelder Denne artikkelen begynte med omsetjing av stoff frå engelsk og tysk wikipedia 23. mars 2010.
Kategori:Greske fotballspelarar Kategori:Tsjekkiske fotballspelarar Kategori:Panathinaikos-spelarar Kategori:Spelarar i Fotball-VM 2010 Kategori:Spelarar i Fotball-VM 2014