Ján Mucha () er ein slovakisk fotballspelar som har spela som keeper for det polske laget Legia Warszawa og det slovakiske landslaget.
Mucha vart fødd i Belá nad Cirochou i Prešov-provinsen aust i Slovakia. Han begynte karrieren sin i den lokale klubben TJ Slovan Belá nad Cirochou. Derfrå gjekk han til MŠK Snina og seinare til Inter Bratislava. Han var to sesongar i A-stallen der, men utan å spela nokon kampar. Sommaren 2002 gjekk han til MŠK Žilina. Med det vann han den slovakiske meisterskapen to gonger. I 2005 var han på lån eit halvt år hjå 1. HFC Humenné.
Sommaren 2005 skreiv Mucha kontrakt for Legia Warszawa i Polen. I 2005/06-sesongen var han andreval som keeper, etter Łukasz Fabiański. Då han gjekk til Arsenal i 2007 vart Mucha førstevalet som keeper. Med Legia vann han den polske cupen 2007/08 og den polske supercupen i 2008. I januar 2010 skreiv Mucha under kontrakt med Everton i England. Han skal slutta seg til dei i juli 2010.
Mucha debuterte for det slovakiske landslaget 6. februar 2008 i ein vennskapskamp mot Ungarn på Kypros. Kampen enda 1-1. Han spelte seks av Slovakia sine kampar under kvalifiseringa til fotball-VM i 2010.
Kjelder Denne artikkelen begynte med ei omsetjing frå engelsk wikipedia 9. mars 2010.
Kategori:Slovakiske fotballspelarar Kategori:Everton-spelarar Kategori:Spelarar i Fotball-VM 2010 Kategori:Spelarar i Fotball-EM 2016