Olav Martinus Knutsen Steinnes () var ein norsk politikar, statsråd i den fyrste regjeringa utgått frå Arbeidarpartiet.
Steinnes voks opp på husmannsplassen Steinane under Ytre Steinnes i Ørsta. Han avla lærareksamen ved Volda Lærarskule i 1910. Dei to påfylgjande åra var han lærar i Namdalen, deretter var han ei rekke år lærar i Rjukan i Telemark. Skulestyrar der frå 1920.
Han var medlem av Tinn heradstyre frå 1915, stortingsrepresentant for Arbeidarpartiet 1922-36. I 1928 var han statsråd og sjef for Kyrkje- og undervisingsdepartementet (kyrkje- og undervisningsminister) i den kortliva Hornsrud-regjeringa.
Under okkupasjonen vart han medlem i Nasjonal Samling. I 1947 vart han dømd til seks månaders fengsel, tap av stilling med meir.NSD om Steinnes. Vitja 02.06.15.
I tida frå 1935 til 1956 var han skuledirektør for Agder og Stavanger. Dei siste leveåra sine budde han på Stabekk i Bærum i Akershus
Kjelder
Dale, Bjørn Jonson:Ørstingar I, 1995
Litteratur Hovdebygdingar - med vit og von, skrift nr. 11 2003, red. Roar Rønning (Artikkel: Fattigguten ved kongens bord av Skjalg Longva)
Kategori:Norske kyrkje- og undervisningsministrar Kategori:Statsrådar i Regjeringa Hornsrud Kategori:Ap-statsrådar Kategori:Stortingsrepresentantar frå Ap Kategori:Stortingsrepresentantar for Telemark Kategori:Stortingsrepresentantar 1922-1924 Kategori:Stortingsrepresentantar 1925-1927 Kategori:Stortingsrepresentantar 1928-1930 Kategori:Stortingsrepresentantar 1931-1933 Kategori:Stortingsrepresentantar 1934-1936 Kategori:Medlemmar av Nasjonal Samling Kategori:Folk frå Ørsta