Reinunga haldeplass ligg i nærleiken av der Kjosfossen stuper ned i Flåmsdalen frå Reinungavatnet i Aurland kommune, og er ein haldeplass på Flåmsbana. Haldeplassen vart opna i 1942 då det vart starta ordinær persontrafikk på bana. Det er ein del hytter ved Reinungavatnet, og reisande til og frå dei har nytte av haldeplassen. Reinunga ligg på 767 moh, 2,20 kilometers køyring frå Myrdal stasjon og 18,00 kilometer frå Flåm stasjon. Som reisande frå Myrdal er Vatnahalsen haldeplass førre stasjon og Kjosfossen haldeplass neste. I luftline ligg haldeplassen berre vel 400 meter frå Kjosfossen haldeplass, men køyrelengda mellom dei to er 2,20 kilometer for å klare høgdeforskjelen på 97 meter. mini|venstre|Sporet går i ei stor u-forma slynge mellom Vatnahalsen haldeplass og Reinunga. mini|venstre|Skinnegangen i nærleiken av Reinunga haldeplass. I bakgrunnen ser ein hytter ved Reinungavatnet og demninga i enden av vatnet.
Haldeplassen heitte fram til 1977 Kjosfoss, men namnet vart då bytt til Reinunga samstundes med at neste haldeplass mot Flåm bytte namn frå Kjosfossen kraftstasjon til Kjosfossen.
Fotnotar
Bakgrunnsstoff Om Reinunga haldeplass på nettstaden til Jernbaneverket Om Reinunga haldeplass i Stasjonsdatabasen til Norsk Jernbaneklubb
Kategori:Stasjonar på Flåmsbana Kategori:Jarnbanestasjonar opna i 1942 Kategori:1942 i Noreg