«Barbara Ann» er ein song skriven av Fred Fassert og spelt inn (som «Barbara Anne») av The Regents i 1961. Innspelinga nådde 13. plass på Billboardlista.
Den mest kjende utgåva av songen vart gjort av det amerikanske popbandet The Beach Boys. Dei gav songen ut på singel den 20. desember 1965 med B-sida «Girl Don't Tell Me». Songen nådde andreplassen i USA og tredjeplassen i Storbritannia. I Noreg gjekk songen heilt til topps. Han vart òg gjeven ut på albumet deira Beach Boys' Party! i 1965. Brian Wilson og Dean Torrence, som tidlegare hadde spelt songen som eine halvdelen av Jan and Dean, har solovokal på denne utgåva. Dean er ikkje tilskriven vokal på songen på albumomslaget,m en Carl Wilson seier «Thanks, Dean» på slutten av sporet.
Singelen var den første til The Beach Boys som nådde første plassen på singellista i Noreg der han låg i fire veker. Totalt låg singelen 16 veker på Topp 10 i Noreg.
Andre utgåver Songen har vorte spelt av The Who (1966), sungen av Keith Moon. Andre artistar som har spelt songen er Blind Guardian. Ein parodi på songen vart spelt inn av Vince Vance and the Valiants i 1979, kalla «Bomb Iran».Declain McCullagh (April 22, 2007). McCain's 'Bomb Iran' song was anti-Muslim? News.com.
Medverkande på Beach Boys-utgåva Brian Wilson: solovokal, bass Dean Torrence: solovokal Al Jardine: korvokal, gitar Bruce Johnston: korvokal Mike Love: korvokal Carl Wilson: korvokal, gitar Dennis Wilson: korvokal
Kjelder Denne artikkelen bygger på «Barbara Ann» frå , den 27. juni 2009. oppgav desse kjeldene:
Kategori:Songar frå 1961 Kategori:Singlar frå 1965 Kategori:Songar på toppen av VG-lista Kategori:The Beach Boys-songar Kategori:The Who-songar