Jan-Magnus Bruheim () var ein norsk forfattar som skreiv lyrikk og barnebøker.
Liv Jan-Magnus Bruheim var fødd i Skjåk. Etter skulen fylgde nokre år med gardsarbeid, før han i 1957 starta opp som lærar i Vågå. Frå 1958 til 1961 var han lærar på Øygardskulen i Skjåk.
Skulesentraliseringa på 1960-talet gjorde at han slutta i skulevesenet, men han heldt fram med opplysningsarbeid i mange år, og besøkte grunnskular og folkehøgskular over heile landet med kåseri og opplesing.
Jan-Magnus Bruheim reiste mykje i Europa og gjesta Amerika og Sovjetunionen som medlem i ein norsk freds- og kulturdelegasjon.
Bruheim skreiv lyrikk, barnebøker og ein roman. Han utvikla seg frå å vere ein konvensjonell sentrallyrikar til ein utprega etisk-religiøs diktar.
I 1978 flytte han til lærarbustaden i skulehuset i Botnane i Bremanger kommune. Han skreiv fleire dikt og barnebøker med motiv frå kysten, barneboka Den kvite hjorten og diktsamlinga Flo og Fjøre. I 1954 vann han Sunnmørsprisen for Ord gjennom larm. I 1972 fekk han Nynorsk barnelitteraturpris frå Noregs Mållag. Bruheim hevda at dei sju åra i Botnane var dei mest produktive åra i diktarlivet hans.
Bruheim kom attende for godt til Skjåk 1985, da han kjøpte Vyuli frå garden Eide, og busette seg der. Han døydde i heimen sin i 1988.
Bibliografi Bøker
Notar - eit utval
Tonesette dikt - eit utval
I bøker - eit utval
I tidsskrift - eit utval Lokalhistoriske artiklar Sogn og Fjordane
Tekstar om Jan-Magnus Bruheim
Bakgrunnsstoff janmagnusbruheim.no
Om Jan-Magnus Bruheim i Lokalhistoriske artiklar Sogn og Fjordane
Kategori:Nynorskforfattarar Kategori:Norske forfattarar Kategori:Norske lyrikarar Kategori:Folk frå Skjåk Kategori:Forfattarar frå Oppland Kategori:Vinnarar av Nynorsk barnelitteraturpris Kategori:Forfattarar frå Bremanger Kategori:Norske barnebokforfattarar Kategori:Norske novelleforfattarar