«Honky Tonk Women» er ein song av The Rolling Stones frå 1969. Han vart gjeven ut på singel 4. juli 1969 i Storbritannia, og ei veke seinare i USA. Han vart ein stor hit og toppa salslistene i begge land.

Inspirasjon og innspeling Det vart spelt inn to utgåver av songen. Den kjende hitten som kom ut som singel og ei honky-tonk-utgåve kalla «Country Honk» som kom ut på albumet Let it Bleed med ein noko anna tekst. Ei konsertutgåve vart gjeven ut på Get Yer Ya-Ya’s Out og er forskjellig frå begge desse to versjonane, med ein særleg annleis gitarintroduksjon og eit nytt andrevers.

Songen er skriven av Mick Jagger og Keith Richards medan dei var på ferie i Brasil frå seint i desember 1968 til tidleg i januar 1969. Dei var inspirert av brasilianske caipiraer på ein gard der Jagger og Richards budde i Matão i delstaten São Paulo.

Omgrepet «honky tonk woman» viser til ein dansar i ein honky tonk-bar. Scena for forteljinga i første verset av blues-utgåva er Memphis i Tennessee, medan «Country Honk» finn stad i Jackson.The Rolling Stones "Honky Tonk Women". Time Is on Our Side.

«Honky Tonk Women» var opphavleg skriven som ein akustisk countrysong. Songen vart spelt inn i London tidleg i februar 1969 utan Brian Jones. Songen vart gradvis omforma til den kjende, elektriske og riffbaserte singelen «Honky Tonk Women» våren 1969, før Mick Taylor vart med i bandet. Unterberger, Richie. «Honky Tonk Women». allmusic. 2007. Taylor har fortalt i Sean Egan sin The Making of Let It Bleed at det meste alt var spelt inn då han la på noko sologitar. Songen er spesiell på den måten at han ikkje opnar med eit gitarriff, men ein rytme spelt på ei kubjølle spelt av produsenten Jimmy Miller.

Songen toppa Billboard Hot 100 i fire veker frå 23. august 1969. Singelen vart gjeven ut i Storbritannia dagen etter Brian Jones døydde. «You Can't Always Get What You Want» vart vald som B-side. I Noreg låg songen tre veker på andreplassen på VG-lista, heile tida bak Elvis Presley sin «In the Ghetto». Konsertutgåva av songen er med på albuma Love You Live og Live Licks, samt det alt nemnde Get Yer Ya-Ya’s Out!.

Musikkmagasinet Rolling Stone rangerte «Honky Tonk Women» på 116. plass på lista deira over dei 500 største songane gjennom tidene.

Medverkande The Rolling Stones Mick Jagger – solovokal Keith Richards – sologitar, rytmegitar, korvokal Mick Taylor – sologitar Bill Wyman – bass Charlie Watts – trommer

Andre medverkande Reparata and the Delrons – korvokal Nanette Workman – korvokal (som «Nanette Newman») Doris Troy – korvokal Ian Stewart – piano Jimmy Miller – kubjølle Steve Gregory og Bud Beadle – saksofonar

Salslister og salstrofé

Vekeslister Liste (1969)PlasseringAustralia (Go-Set)1New Zealand (Listener)1

Årslister Liste (1969)PlasseringCanada16US Billboard Hot 1004

Salstrofé

Country Honk «Country Honk» er country-utgåva av «Honky Tonk Women», gjeven ut fem månader etter «Honky Tonk Women» på albumet Let it Bleed.

Byron Berline speler fele på sporet og har sagt at det var Gram Parsons som skaffa han denne jobben. Produsent Glyn Johns føreslo at Berline skulle spele inn fela på fortauet utanfor studioet for å gje den rette stemninga til albumet. Sam Cutler, turnemanageren til the Rolling Stones på denne tida, lagar bilhornet ein høyrer i starten av songen.Cutler, Sam. You Can't Always Get What You Want - My Life with the Rolling Stones, the Grateful Dead and Other Wonderful Reprobates ISBN 9 781741 666090 Nanette Workman gjer korvokalen på denne utgåva (på plateomlaget omtalt som Nanette Newman).

Medverkande The Rolling Stones Mick Jagger – vokal Keith Richards – akustisk gitar, korvokal Mick Taylor – slidegitar Charlie Watts – trommer

Andre medverkande Byron Berline – fele Nanette Workman – korvokal (som «Nanette Newman»)

Andre utgåver Mange andre artistar har spelt songen, mellom andre Waylon Jennings, Elton John, Billy Joel, Ike & Tina Turner, The Pogues, Albert King, AC/DC og Big Country.

Kjelder

Denne artikkelen bygger på «Honky Tonk Woman» frå , den 3. mars 2009. oppgav desse kjeldene: The Billboard Book of Number One Hits (5. utg.)

Bakgrunnsstoff

Kategori:Rolling Stones-songar Kategori:Singlar frå 1969 Kategori:Songar frå 1969 116 Kategori:Decca Records-singlar Kategori:London Records-singlar Kategori:Songar på toppen av Billboard-lista Kategori:Nummer-ein-singlar i Storbritannia Kategori:Nummer-ein-singlar i Australia Kategori:Nummer-ein-singlar i New Zealand Kategori:Nummer-ein-singlar i Sveits Kategori:Nummer-ein-singlar i Irland Kategori:Songar skrivne av Jagger/Richards Kategori:Songar produserte av Jimmy Miller Kategori:Countryrocksongar Kategori:Songar om seksualitet Kategori:The Pogues-songar Kategori:Ike & Tina Turner-songar Kategori:The Ventures-songar Kategori:Waylon Jennings-songar Kategori:Joe Cocker-songar Kategori:Albert King-songar Kategori:Rick Nelson-songar Kategori:Elton John-songar Kategori:Humble Pie-songar Kategori:The Meters-songar Kategori:The Shadows-songar Kategori:Hank Williams jr.-songar Kategori:Ronnie Wood-songar Kategori:Bo Diddley-songar Kategori:Johnny Hallyday-songar Kategori:Taj Mahal-songar Kategori:Tom Jones-songar Kategori:Mott the Hoople-songar Kategori:Billy Joel-songar Kategori:Jerry Lee Lewis-songar Kategori:Kid Rock-songar